திருச்செந்தூர்: திருச்செந்தூர் சுப்பிரமணிய சுவாமி கோயிலில் பக்தர்கள் காணிக்கையாக செலுத்தும் உண்டியல் வசூல் எண்ணும் பணி நேற்று முன்தினம் கோயில் மண்டபத்தில் நடந்தது. இதில் 3 கோடியே 84 லட்சத்து 64 ஆயிரத்து 297 ரூபாயும், தங்கம் 1.53 கிலோ, வெள்ளி 22.5 கிலோ, பித்தளை 27.5 கிலோ, செம்பு 2.4 கிலோ, தகரம் 6.5 கிலோ மற்றும் வெளிநாட்டு கரன்சிகள் 833ம் பக்தர்கள் காணிக்கையாக செலுத்தியிருந்தது தெரியவந்தது.
