டாடா கர்வ், கர்வ் இவி

டாடா மோட்டார்ஸ் நிறுவனம், புதிய மேம்படுத்தப்பட்ட அம்சங்களுடன் கர்வ் மற்றும் கர்வ் இவி கார்களை அறிமுகம் செய்துள்ளது. கர்வ் காரில் 1.2 லிட்டர் டர்போ பெட்ரோல் இன்ஜின் உள்ளது. இது 120 எச்பி பவரையும், 170 என்எம் டார்க்கையும் வெளிப்படுத்தும். இதுபோல், 1.5 லிட்டர் டீசல் இன்ஜின் வேரியண்டும் உள்ளது. இது அதிகபட்சமாக 118 எச்பி பவரையும், 260 என்எம் டார்க்கையும் வெளிப்படுத்தும். 6 ஸ்பீடு மேனுவல் மற்றும் மற்றும் டூயல் கிளட்ச் ஆட்டோமேட்டிக் கியர் பாக்ஸ் உள்ளது. டாடா கர்வ் இவியில் 45 கிலோவாட் அவர் பேட்டரி மற்றும் 55 கிலோவாட் அவர் பேட்டரி வேரியண்ட்கள் உள்ளன. இவை முறையே 150 எச்பி பவரையும், 167 எச்பி பவரையும் வெளிப்படுத்தும். இரண்டு வேரியண்டும் 210 என்எம் வரையிலான டார்க்கை வெளிப்படுத்தும். புதிய அம்சமாக கர்வ் மற்றும் கர்வ் இவியில் 2 ஜோன் கான்சியர்ஸ் கிளைமேட் ஏசி உள்ளது கர்வ் இவியில் பின்புறம் அமர்ந்துள்ள பயணிகளுக்கான புட்ரெஸ்டுகள், எர்கோ விங்க் ஹெட்ரெஸ்ட்கள் உள்ளன.

இதுதவிர, குரல் மூலம் செயல்படுத்தக்கூடிய பனோரமிக் சன்ரூப், சைகை மூலம் இயக்க*க் கூடிய டெயில் கேட், 12.3 அங்குல தொடுதிரையுடன் கூடிய இன்போடெயின்மென்ட் சிஸ்டம் என பல்வேறு அம்சங்கள் இடம் பெற்றுள்ளன. ஷோரூம் விலையாக கர்வ் ரூ.14.55 லட்சம் எனவும், கர்வ் இவி சுமார் ரூ.18.49 லட்சம் எனவும் நிர்ணயம் செய்யப்பட்டுள்ளது.