சையத் முஷ்டாக் அலி டி20 தடையற தாக்கி தமிழ்நாடு வெற்றி

அகமதாபாத்: சையத் முஷ்டாக் அலி கோப்பை டி20 போட்டியில் நேற்று, தமிழ்நாடு - உத்தரகாண்ட் அணிகள் மோதின. முதலில் ஆடிய உத்தரகாண்ட், 20 ஓவர்களில் 6 விக்கெட் இழப்புக்கு 164 ரன் எடுத்தது. அந்த அணியில் யுவராஜ் சவுத்ரி 74, கேப்டன் குணால் சந்தேலா 47 ரன் எடுத்தனர். பின்னர், 165 ரன் இலக்குடன் தமிழ்நாடு களமிறங்கியது. துவக்க வீரர்கள் சொற்ப ரன்களில் அவுட்டானபோதும், ராஜ்குமார் 43 பந்துகளில் 8 சிக்சர், 6 பவுண்டரிகளுடன் ஆட்டமிழக்காமல் 93 ரன் விளாசினார். அதனால், 17.1 ஓவரில் தமிழ்நாடு 5 விக்கெட் இழப்புக்கு 168 ரன் குவித்து வெற்றி வாகை சூடியது.