மும்பை: பாஜக வெற்றி பெற்று மோடி மீண்டும் பிரதமராக வருவார் என்று பலர் கூறி வந்தாலும் முதலீட்டாளர்களுக்கு நம்பிக்கை இல்லை. கடந்த 5 நாள்களில் முதலீட்டாளர்கள் பங்குகளை விற்றதால் பங்குச்சந்தை குறியீட்டு எண்கள் 2.1%-க்கு மேல் சரிந்தது. பங்கு விலைகள் சரிந்ததால் முதலீட்டாளர்களுக்கு இன்று ஒரே நாளில் ரூ.4.49 லட்சம் கோடி இழப்பு ஏற்பட்டுள்ளது. கடந்த 5 நாள்களாக பங்கு விலை சரிந்ததால் முதலீட்டாளர்களுக்கு ரூ.10 லட்சம் கோடிக்கு மேல் இழப்பு ஏற்பட்டுள்ளதாக் நிபுணர்கள் தெரிவிக்கின்றனர்.
