குட்டி குட்டி வீட்டு குறிப்புகள்

* உடைத்து வைத்த தேங்காய் காய்ந்து போய் விட்டால், அந்த தேங்காய் மூடியில் பாலை ஊற்றி பத்து நிமிடம் வைத்திருந்து பின்பு தேங்காயை உபயோகித்தால் புதியது போல இருக்கும்.

* ஒரு எலுமிச்சைப் பழத்தை இரண்டாக நறுக்கி பாதியை உபயோகித்து விட்டு மீதி பாதியை அடுத்தநாள் உபயோகிக்க வேண்டுமானால் பாதி எலுமிச்சை பழத்தின் மீது உப்பைத் தடவி வைத்தால் கெடாமல் இருக்கும்.

* ஆரஞ்சுப்பழத் தோலை காய வைத்து கொசுவத்தி போல கொளுத்தி வைத்தால் கொசுக்கள் வராது.

* சாதம் கொதிக்கும் போது ஒரிரு ஏலக்காய்களை சிறிது நேரம் போட்டு எடுத்துவிட்டால் சாப்பாடு மணமாக இருக்கும்.

* கேரட், பீட்ரூட் வாடிப்போனால் நறுக்குவது கடினம். உப்பு கலந்த நீரில் சிறிது நேரம் போட்டு வைத்தால் புதியதாகிவிடும். வெட்டவும் எளிதாகிவிடும்.

* நுங்கு தோலை எடுத்து அதனுடன் சந்தனத்தைச் சேர்த்து அரைத்து வேர்க்குரு உள்ள இடங்களில் தடவி வந்தால் வேர்க்குரு மறைந்து உடல் வெப்பம் குறையும்.

* வெங்காயம் நறுக்கும் போது சூயிங்கம் சாப்பிட்டால் கண்களில் கண்ணீர் வராது.

* உப்பு கரைத்த நீரில் தக்காளியைப் போட்டு வைத்தால் அழுகாமல் இருக்கும்.

* வெள்ளி ஆபரணங்களோடு சிறிது கற்பூரத்தை போட்டு வைத்தால் வெள்ளி நகை கறுக்காது.

* கீரையினை வேகவைக்கும்போது சிறிதளவு எள் சேர்த்து வேகவைத்தால் கீரை பச்சை நிறம் மாறாமல் இருப்பதுடன் சுவையாகவும் இருக்கும்.

* அவித்த முட்டையை அறுக்க கத்தியை பயன் படுத்தாமல் கெட்டியான நூலைப் பயன்படுத்தி அனுத்தால் அழகாய் கட் ஆகும். மஞ்சள் கரு உதிராமல் வரும்.

* இட்லி மாவு புளிக்காமல் இருக்க சிறு வாழைத்தண்டை மாவில் போடவும்.

* சிறு தேங்காய்த் துண்டை தயிரில் போட்டு வைத்தால் இரண்டு நாட்கள் வரை தயிர் கெட்டுப்போகாது.

- தாமஸ் மனோகரன்.