ஸ்கோடா அனிவர்சரி எடிஷன்கள்

ஸ்கோடா ஆட்டோ நிறுவனம், இந்தியாவில் கால் பதித்து 25 ஆண்டு ஆனதை கொண்டாடும் வகையில், 25வது அனிவர்சரி லிமிடெட் எடிஷன் கார்களை அறிமுகம் செய்துள்ளது. ஸ்கோடாவின் கைலாக், குஷக் மற்றும் ஸ்லாவியா ஆகியவற்றில் இந்த அனிவர்சரி எடிஷன் வெளியிடப்படும். குஷக் மோன்டி கார்லோ, ஸ்லாவியா மற்றும் கைலாக்கில் உள்ள பிரஸ்டீஜ், சிக்னேச்சர் பிளஸ் டாப் வேரியண்ட்களில் இது கிடைக்கும். அனிவர்சரி பேட்ச் உடன் காரின் தோற்றம் பொலிவு கொண்டதாக அமைக்கப்பட்டுள்ளது. 360 டிகிரி கேமரா, அன்டர்பாடி லைட்டுகள் போன்ற உதிரி பாகங்கள் வேரியண்டுக்கு ஏற்ப வழங்கப்படும்.

1.0 லிட்டர் டிஎஸ்ஐ எம்டி, 1.0 லிட்டர் டிஎஸ்ஐ ஏடி மற்றும் 1.5 லிட்டர் டிஎஸ்ஜி இன்ஜின் வேரியண்ட்களில் கிடைக்கும். குஷக் மோன்டி கார்லோ அனிவர்சரி லிமிடெட் எடிஷனின் 1.0 லிட்டர் டிஎஸ்ஐ மேனுவல் டிரான்ஸ்மிஷன் வேரியண்ட் ஷோரூம் விலை சுமார் ரூ.16.39 லட்சம். டாப் வேரியண்ட் சுமார் ரூ.19.09 லட்சம். இதுபோல், ஸ்லாவியா மோன்டி அனிவர்சரி எடிஷன் துவக்க விலை சுமார் ரூ.15.63 லட்சம் எனவும், டாப் வேரியண்ட் ரூ.18.33 லட்சம் எனவும் நிர்ணயிக்கப்பட்டுள்ளது. கைலாக் அனிவர்சரி எடிஷன் (சிக்னேச்சர் பிளஸ் மற்றும் பிரஸ்டிஜ் சுமார் ரூ.11.25 லட்சம் மற்றும் சுமார் ரூ.12.89 லட்சம் என நிர்ணயிக்கப்பட்டுள்ளது.