பள்ளியில் மாணவனுக்கு பாலியல் தொல்லை: 2 மாணவர் கைது

நாகர்கோவில்: நாகர்கோவில் வடசேரி பகுதியில் உள்ள அரசு பள்ளியில் பிளஸ் 1 படிக்கும் மாணவனுக்கு அதே பள்ளியில் பிளஸ் 2 படிக்கும் 3 மாணவர்கள் தொடர்ந்து கழிவறையில் வைத்து பாலியல் தொல்லை கொடுத்து வந்தனர். இதனால் அதிர்ச்சி அடைந்த அந்த மாணவன் இதுகுறித்து பெற்றோரிடம் கூறியுள்ளார்.

இதையடுத்து பெற்றோர் நாகர்கோவில் போலீசில் புகார் செய்தனர். புகாரின் பேரில் போலீசார் பிளஸ் 2 மாணவர்கள் 3 பேர் மீது போக்சோ சட்டத்தின் கீழ் வழக்குபதிவு செய்து விசாரணை நடத்தி வந்தனர். இந்நிலையில் 2 மாணவர்களை போலீசார் கைது செய்தனர். மேலும் தலைமறைவான மற்றொரு மாணவரை தேடி வருகிறார்கள். அந்த 3 மாணவர்களையும் நிர்வாகம் பள்ளியில் இருந்து நீக்கியுள்ளது.