ரஷ்யாவிடம் கச்சா எண்ணெய் வாங்கினால் இந்திய பொருட்கள் மீது 500% வரி விதிக்க டிரம்ப் ஆதரவு

ரஷ்யாவிடம் கச்சா எண்ணெய் வாங்கினால் இந்திய பொருட்கள் மீது 500% வரி விதிக்க வழி செய்யும் மசோதாவுக்கு அமெரிக்க அதிபர் டிரம்ப் ஆதரவு தெரிவித்துள்ளார். உக்ரைன் மீதான போரை நிறுத்த ரஷ்யா மீது தடைகளை தீவிரப்படுத்த அமெரிக்க செனட்டில் மசோதா நிறைவேற்றப்பட்டுள்ளது. அதிபர் டிரம்ப்பின் நெருங்கிய சகாவான செனட்டர் லிண்ட்சே கிரஹாம் மாசோதாவை தாக்கல் செய்துள்ளார். ரஷ்யாவிடம் இருந்து இந்தியா, சீனா கச்சா எண்ணெய் வாங்குவதை தடுக்க மசோதாவில் சட்டவிதிகள் சேர்க்கப்பட்டுள்ளது. செனட்டர் கிரஹாமின் மசோதாவை ஆதரிப்பதாக டிரம்ப் கூறியிருப்பதால் இந்தியாவுக்கு சிக்கல் ஏற்பட்டுள்ளது.