ரயில்வேயில் விளையாட்டு வீரர்களுக்கு வேலை

ணி: ஸ்போர்ட்ஸ் பெர்சன் (ஸ்போர்ட்ஸ் கோட்டா 2025-26).

மொத்த காலியிடங்கள்: 49.

விளையாட்டு பிரிவு வாரியாக

காலியிடங்கள் விவரம்:

அத்லடிக்ஸ்-4, பாக்சிங்-4, கூடைப்பந்து-5, கிரிக்கெட்-3, மல்யுத்தம்-4, நீச்சல்- 2, பளு தூக்குதல்- 4, ஹாக்கி-5, கால்பந்து-5, ஹேண்ட்பால்-4, கபடி-5, வாலிபால்-4.

வயது: 01.01.2026 தேதியின்படி 18 முதல் 25க்குள் இருக்க வேண்டும்.

சம்பளம்: ரூ.5,200-ரூ.20,200.

தகுதி: பிளஸ் 2 தேர்ச்சி பெற்றிருக்க வேண்டும் அல்லது 10ம் வகுப்பு அல்லது ஐடிஐ படித்திருக்க வேண்டும். இந்த கல்வித்தகுதியுடன் காலியிடம் ஏற்பட்டுள்ள விளையாட்டுப் பிரிவுகள் ஏதாவது ஒன்றில் தேசிய/மாநில/ பல்கலைக்கழக அளவிலான போட்டிகளில் விளையாடி குறைந்தது மூன்றாவது இடம் பெற்றிருக்க வேண்டும்.

விண்ணப்பதாரர் பெற்றிருக்க வேண்டிய விளையாட்டுத் தகுதிகள் பற்றிய கூடுதல் விவரம் இணையதளத்தில் கொடுக்கப்பட்டுள்ளது.

பிளஸ் 2 தேர்ச்சியுடன் ஆங்கிலத்தில் சுருக்கெழுத்து எழுதும் திறன் மற்றும் டைப்பிங் படித்தவர்களுக்கு கூடுதல் தர ஊதியம் வழங்கப்படும்.

கட்டணம்: பொது/ஒபிசி/பொருளாதார பிற்பட்டோருக்கு ரூ.500/-. எஸ்சி/எஸ்டி/பெண்கள்/சிறுபான்மையினருக்கு ரூ.250/-. இதை ஆன்லைனில் செலுத்த வேண்டும்.

விண்ணப்பதாரரின் விளையாட்டு தகுதி மற்றும் விளையாட்டு சாதனைகள் அடிப்படையில் தகுதியானவர்கள் பணிக்கு தேர்ந்தெடுக்கப்படுவர். இதற்காக நேர்முகத் தேர்வு நடத்தப்படும். தேர்ந்தெடுக்கப்படுபவர்கள் ரயில்வேயில் சீனியர் கிளார்க்/ஜூனியர் கிளார்க் ஆக பணியமர்த்தப்படுவர். 01.04.2023 தேதிக்கு பிந்தைய விளையாட்டு சாதனைகள் மட்டும் கணக்கில் கொள்ளப்படும்.

www.ner.indianrailways.gov.in என்ற இணையதளம் மூலம் ஆன்லைனில் விண்ணப்பிக்க வேண்டும்.

விண்ணப்பிக்க கடைசி நாள்: 10.11.2025.