புரோ கபடி லீக்கில் இன்று முதல் தினமும் 3 போட்டிகள்: இரவு 9.30க்கு குஜராத்துடன் தமிழ்தலைவாஸ் மோதல்

புதுடெல்லி:12 அணிகள் பங்கேற்றுள்ள 12வது சீசன் புரோ கபடி லீக்கில் 4வது கட்ட போட்டிகள் டெல்லியில் நடந்து வருகிறது. இதில் நேற்றிரவு நடந்த 83வது லீக் போட்டியில் குஜராத் ஜெயன்ட்ஸ் 40-32 என பாட்னா பைரேட்ஸ் அணியை வீழ்த்தியது. தொடர்ந்து நடந்த மற்றொரு போட்டியில் தமிழ்தலைவாஸ் - யு.பி.யோத்தா மோதின. விறுவிறுப்புடன் நடந்த இந்த போட்டியில் முதல் பாதியில் 17-14 என தமிழ் தலைவாஸ் முன்னிலை பெற்றது. ஆனால் 2வது பாதியில் கடைசி நேரத்தில் சொதப்பியது. இதனால் 32-31 என யு.பி.யோத்தா த்ரில் வெற்றி பெற்றது.

15வது போட்டியில் அந்த அணிக்கு இது 6வது வெற்றியாகும். தமிழ்தலைவாஸ் 15வது போட்டியில் 9வது தோல்வியை சந்தித்தது. இன்று முதல் வரும் 23ம் தேதி வரை தினமும் 3 போட்டிகள் நடக்கிறது. இரவு 7.30 மணிக்கு தெலுங்கு டைட்டன்ஸ்-பெங்கால் வாரியர்ஸ், இரவு 8.30 மணிக்கு ஜெய்ப்பூர் பிங்க் பாந்தர்ஸ்-புனேரி பால்டன், இரவு 9.30 மணிக்கு குஜராத் ஜெயன்ட்ஸ்-தமிழ்தலைவாஸ் மோதுகின்றன.