எண்ணெய் சாகுபடிக்கு ஏற்ற பருவம்!

தமிழ்நாட்டின் எண்ணெய் பயிர்களென சில பயிர்கள் உண்டு. அவை, வேர்க்கடலை, சூரியகாந்தி, எள் மற்றும் ஆமணக்கு போன்றவை. இதிலிருந்து கிடைக்கப்படும் எண்ணெயைத்தான் அனைவரும் பயன்படுத்தி வருகிறோம். இந்த எண்ணெய்ப் பயிர்களை தமிழ்நாட்டு சீதோஷண நிலைக்குத் தகுந்தபடி எப்படி வளர்ப்பது? எந்த பட்டத்தில் வளர்ப்பது? எப்படி பராமரிப்பது? என்பது குறித்து இந்தப் பக்கத்தில் பார்க்கலாம். கூடவே, இத்தகைய எண்ணெய் பயிர்களை ஆடி (ஜூலை) முதல் ஐப்பசி (நவம்பர்) வரை உள்ள காலப்பகுதியில் பயிரிட ஏற்றவை என வேளாண்மை மற்றும் உழவர் நலத்துறை தெரிவித்துள்ளது.இந்த நான்கு மாதங்கள் எண்ணெய்ப் பயிர்களின் வளர்ச்சிக்குப் பொருத்தமான பருவமாகும் என்பதையும், பருவ நிலவரம், மண் ஈரப்பதம், மற்றும் நீர்ப்பாசன நிலைமைகள் இவற்றை அடிப்படையாகக்கொண்டு விவசாயிகள் திட்டமிட்ட பயிர்சாகுபடியை மேற்கொள்ளலாம் எனவும் வலியுறுத்தப் பட்டுள்ளது. துறையின் தரவின்படி, எண்ணெய் உற்பத்தியில் நிலக்கடலை 86% பங்கு வகிக்கிறது. இதனைத் தொடர்ந்து சூரியகாந்தி மற்றும் நிலக்கடலை 12%, எள் மற்றும் ஆமணக்கு தலா 1% பங்குகளை வகிக்கின்றன. இது விவசாயிகள் எந்த பயிரை எப்போது, எந்த பருவத்தில் பயிரிடலாம் என்பதற்கான தெளிவான வழிகாட்டியாகச் செயல்படுகிறது.

காரிப் பருவம் சாகுபடிக்கு முக்கிய காலம்

ஆடி தொடங்கி ஐப்பசி வரை தொடரும் காலம் ‘காரிப் பருவம்’ என அழைக்கப்படுகிறது. இந்த பருவம் எண்ணெய்ப் பயிர்களுக்கு மிகவும் ஏற்ற பருவமாகும். நிலத்தில் மிதமான ஈரப்பதமும், பருவ மழையின் நேர்மையான தாக்கமும், வெப்பநிலைச் சீரான நிலையும் காரணமாக, இந்தக் காலத்தில் எண்ணெய்ப் பயிர்கள் உயர் விளைச்சலை அளிக்கும் வாய்ப்பு அதிகம் உள்ளது.

வேர்க்கடலை உற்பத்தி மற்றும் பயிரிடும் முறை:-

தமிழ்நாட்டில் எண்ணெய் உற்பத்தியில் வேர்க்கடலை முக்கிய இடத்தைப் பெற்றுள்ளது. ஆடி மாதத் தொடக்கத்தில் வேர்க்கடலை விதைப்பு தொடங்கலாம். செம்மண் மற்றும் கரிசல் நிலங்களில் இது சிறந்த விளைச்சலைத் தரும்.

* ஒரு ஏக்கருக்கு 80 - 100 கிலோ விதை தேவைப்படும்.

* 30 செ.மீ. வரிசை இடைவெளி மற்றும் 15 செ.மீ. செடி இடைவெளியில் விதைக்கப்படுகிறது.

* பசுமை உரங்கள், பஞ்சகவ்யா, சுண்ணாம்புச்சாறு போன்ற இயற்கை நன்கொழுந்துகள் பயன்படுத்தலாம்.

* சுமார் 90 முதல் 100 நாட்களில் அறுவடைக்குத் தயாராகும்.

* அறுவடைக்கு ஏற்கெனவே பூப்புள்ளிக் கட்டத்தில் கல்சியம் போரேட் தெளிக்கப்படுவதால் எண்ணெய் சாய்திறன் அதிகரிக்கும்.சூரியகாந்தி குறைந்த நீரில் வளரக்கூடிய பயிர்ஆவணியில் தொடங்கும் சூரியகாந்தி சாகுபடி, பருவ மழைக்கு முன் இடப்படும் பயிராகும். வெப்பம் அதிகம் இருக்கும் பகுதிகளில் நல்ல வளர்ச்சி காணப்படும்.

* ஒரு ஏக்கருக்கு சுமார் 5 கிலோ விதை போதுமானது.

* வரிசை இடைவெளி 60 செ.மீ. × 30 செ.மீ. ஆக இருக்கலாம்.

*90 நாட்களில் அறுவடைக்கு வருகிறது.

* சூரிய ஒளி அதிகம் கிடைக்கும் இடங்களில் பயிரிட வேண்டும்.

*சூரியகாந்தி எண்ணெய் நுகர்வில் பெரும் வளர்ச்சியைக் கண்டுள்ளது.எள் குறுகிய காலத்தில் நன்மை தரும் பாரம்பரிய பயிர்புரட்டாசியில் சாகுபடிக்கு ஏற்ற எள், குறைந்த நீர் வளத்திலும் வளரக்கூடிய சிறந்த பயிராகும். இது நாட்டு நெய் தயாரிப்பில் முக்கிய பங்கு வகிக்கிறது.

* ஒரு ஏக்கருக்கு 34 கிலோ விதை போதுமானது.

*80,90 நாட்களில் அறுவடை செய்யலாம்.

*30 × 10 செ.மீ. இடைவெளியில் விதைப்பு செய்யலாம்.

* மண்நிலம் நன்கு வடிகால் வசதி யுடன் இருக்க வேண்டும்.

*இயற்கை உரங்களை உபயோகிப்பது விளைச்சலுக்காக அவசியம்.ஆமணக்கு வறட்சியிலும் விளையும் பயிர்ஐப்பசி தொடக்கத்தில் ஆமணக்கு சாகுபடி செய்யப்படுகிறது. நீர் ஆதாரம் குறைவாக இருக்கும் இடங்களில் கூட வளரக்கூடிய பயிராக இது செயல்படுகிறது. தொழில்துறையிலும் மருந்துகளில் முக்கிய பயன்பாடு கொண்டது.

* ஒரு ஏக்கருக்கு 1012 கிலோ விதை தேவைப்படும்.

*90 செ.மீ. × 60 செ.மீ. இடைவெளியில் விதைக்கலாம்.

* 120, 150 நாட்களில் அறுவடைக்கு வரும்.

* வளர்ச்சி பெரும்பாலும் இயற்கை மழை மற்றும் நில ஈரப்பதத்தில் நடைபெறும்.

* விற்பனை மதிப்பு உயர்ந்த பயிராக இது கருதப்படுகிறது.

பசுமை பயிர் சுழற்சி மற்றும் நில வளம் காக்கும் பயன்முறை ஒரே பயிர் முறையில் தொடர்ந்து சாகுபடி செய்வதை விட, எண்ணெய்ப் பயிர்களைச் சுழற்சி முறையில் சாகுபடி செய்ய வேண்டும் என வேளாண்மைத் துறை வலியுறுத்துகிறது. இது நிலத்திலுள்ள நார்ச்சத்துக்களை பாதுகாக்கும். அதே நேரத்தில் பல்வேறு சந்தை வாய்ப்புகளையும் விவசாயிகள் பயன்படுத்திக் கொள்ள முடியும். அதேபோல் பருவநிலவரம், மண் தன்மை, மற்றும் சந்தைத் தேவை ஆகியவற்றைப் பொருத்து விவசாயிகள் திட்டமிட்டு எண்ணெய்ப் பயிர்களை சாகுபடி செய்தால், வருமானம் மற்றும் நிலச் சீரமைப்பு இரண்டுமே சாதிக்க முடியும் என வேளாண்மைத் துறை அதிகாரிகள் தெரிவித்துள்ளனர்.