15 நாட்களுக்குள் உரிமை கோராவிட்டால் அகற்றப்பட்ட 525 வாகனங்களை ஏலம் விடுவதற்கு நடவடிக்கை: மாநகராட்சி அறிவிப்பு

சென்னை: மாநகராட்சியால் அகற்றப்பட்ட 525 வாகனங்களுக்கு, 15 நாட்களுக்குள் உரிமை கோராவிட்டால் ஏலம் விட நடவடிக்கை எடுக்கப்படும் என்று சென்னை மாநகராட்சி அறிவித்துள்ளது. சென்னை மாநகராட்சிக்குட்பட்ட பகுதிகளில் சாலையோரங்களில் நீண்ட நாட்களாக பழுதடைந்து, கேட்பாரற்று போக்குவரத்திற்கு இடையூறாக நிறுத்தி வைக்கப்பட்டுள்ள வாகனங்களில் 525 வாகனங்கள் அகற்றப்பட்டு, மாநகராட்சி இடங்களில் நிறுத்தி வைக்கப்பட்டுள்ளன. இந்த வாகனங்களின் விவரங்கள் மாநகராட்சியின் www.chennaicorporation.gov.in என்ற இணையதளத்தில் பதிவேற்றம் செய்யப்பட்டுள்ளது. இந்த வாகனங்களை உரிமை கோருவோர் சம்பந்தப்பட்ட வார்டு உதவிப் பொறியாளர், மண்டல அலுவலகம், காவல் நிலையத்தை 15 நாட்களுக்குள் அணுக வேண்டும். அவ்வாறு 15 நாட்களில் உரிமை கோரப்படாத வாகனங்களை பொது ஏலம் விட நடவடிக்கை எடுக்கப்படும், சென்னை மாநகராட்சி அறிவித்துள்ளது.