மேட்டூர் அணையில் பாசனத்துக்கு நீர்திறப்பு குறைப்பு

மேட்டூர்: ஒகேனக்கல் காவிரியில் நேற்று முன்தினம் காலை விநாடிக்கு 8,000 கனஅடியாக இருந்த நீர்வரத்து, நேற்று காலை 6,500 கனஅடியாக சரிந்தது. இதேபோல், மேட்டூர் அணைக்கு நேற்று முன்தினம் காலை 8,641 கனஅடியாக இருந்த நீர்வரத்து, நேற்று காலை விநாடிக்கு 8,342 கனஅடியாக சரிந்தது. அணையில் இருந்து டெல்டா பாசனத்திற்கு நீர்மின் நிலையங்கள் வழியாக விநாடிக்கு 15,000 கனஅடி நீர் திறக்கப்பட்டு வந்த நிலையில், நேற்று காலை 10 மணி முதல் விநாடிக்கு 13 ஆயிரம் கனஅடியாக குறைக்கப்பட்டது. கிழக்கு மேற்கு கால்வாய் பாசனத்திற்கு மேல்மட்ட மதகுகள் வழியாக விநாடிக்கு 800 கனஅடி தண்ணீர் திறக்கப்படுகிறது. அணையின் நீர்மட்டம் 119.18 அடியில் இருந்து 118.75 அடியாக குறைந்துள்ளது. நீர் இருப்பு 91.49 டிஎம்சியாக உள்ளது.