நீட் தேர்வில் 665 மதிப்பெண் பெற்ற நெல்லை மாணவர் சூர்யநாராயணன் தரவரிசையில் முதலிடம்

சென்னை: நீட் தேர்வில் 665 மதிப்பெண் பெற்ற நெல்லை மாணவர் சூர்யநாராயணன் தரவரிசையில் முதலிடம் பிடித்துள்ளார். தரவரிசை பட்டியலில் 655 மதிப்பெண் பெற்ற சேலத்தைச் சேர்ந்த மாணவர் அபினீத் நாகராஜ் 2-ம் இடம்; 653 மதிப்பெண் பெற்ற சேலத்தைச் சேர்ந்த ஹிருதிக் விஜயராஜா 3ம் இடம் பிடித்துள்ளார். திருவள்ளூர் மாணவர் ராகேஷ் 4வது இடம், செங்கல்பட்டு மாணவர் பிரஜன் ஸ்ரீவாரி 5வது இடம்; விருதுநகர் மாணவர் நிதின் பாபு 6வது இடம், சென்னை மாணவர் கைலேஷ் கிரண் 7-வது இடம் பிடித்துள்ளார். சென்னை மாணவர் நிதின் கார்த்திக் 8வது இடம், தருமபுரி மாணவர் பிரகதீஷ் சந்திரசேகர் 9-வது இடம் பிடித்துள்ளார். தரவரிசைப் பட்டியலில் தேனியைச் சேர்ந்த மாணவி பொன் ஷரினி 10வது இடம் பிடித்துள்ளார்.