சேலம்: மேட்டூர் அணைக்கு நீர்வரத்து 75,400 கன அடியில் இருந்து 1,00,400 கன அடியாக அதிகரித்துள்ளது. மேட்டூர் அணைக்கு வரும் 1,00,400 கன அடி நீர் அப்படியே வெளியேற்றப்படுகிறது. டெல்டா பாசனத்துக்கு 18,000 கன அடியும், 16 கண் மதகு வழியாக 82,000 கன அடியும் நீர் வெளியேற்றப்படுகிறது. அணையின் கிழக்கு, மேற்கு கால்வாய் வழியாக 400 கன அடி நீர் வெளியேற்றப்பட்டு வருகிறது. நீர்வளத்துறை சார்பாக காவிரி கரையோர மக்களுக்கு வெள்ள அபாய எச்சரிக்கை விடுக்கப்பட்டிருக்கிறது. கரையோர மக்கள் பாதுகாப்பான இடங்களுக்கு செல்லுமாறும் அறிவுறுத்தப்பட்டுள்ளது.
