சென்னை: தமிழ்நாட்டில் ஜூன் 10,11,12 ஆகிய தேதிகளில் பலத்த மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. விழுப்புரம், கள்ளக்குறிச்சி, கடலூர் மாவட்டங்களில் ஜூன் 10ம் தேதி கனமழை பெய்யக்கூடும். தமிழ்நாட்டில் ஜூன் 11ம் தேதி 9 மாவட்டங்களில் கனமழை பெய்யும். வேலூர், ராணிப்பேட்டை, திருப்பத்தூர், காஞ்சிபுரம், திருவண்ணாமலை, விழுப்புரம், கள்ளக்குறிச்சி, கிருஷ்ணகிரி, தருமபுரியில் ஜூன் 11ல் கனமழை பெய்யும். திருவள்ளூர், ராணிப்பேட்டை, வேலூர் மாவட்டங்களில் ஜூன் 12ல் கனமழை பெய்ய வாய்ப்புள்ளதாக தெரிவிக்கப்பட்டுள்ளது.
