மிகவும் தாமதமாகி விட்டது; இந்தியாவுடனான வர்த்தகம் ஒருதலைப்பட்ச பேரழிவு: டிரம்ப் ஆவேசம்

நியூயார்க்: இந்தியா மீது 50 சதவீத வரியை அமெரிக்கா விதித்துள்ளதால் இருநாட்டு உறவிலும் விரிசல் ஏற்பட்டுள்ளது. இந்த நிலையில் இந்தியா மீதான வரி மற்றும் வர்த்தகம் குறித்து அமெரிக்க அதிபர் டிரம் தனது ட்ரூத் சோஷியல் தளத்தில் கூறியிருப்பதாவது: இந்தியா தனது வரிகளைக் குறைக்க முன்மொழிந்துள்ளது. ஆனால் அது மிகவும் தாமதமான நடவடிக்கை. ஏனெனில் இந்தியா தனது எண்ணெய் மற்றும் ராணுவப் பொருட்களை ரஷ்யாவிலிருந்து அதிகம் வாங்குகிறது, அமெரிக்காவிலிருந்து மிகக் குறைவாகவே வாங்குகிறது.

நாங்கள் இந்தியாவுடன் மிகக் குறைந்த வணிகத்தைச் செய்கிறோம், ஆனால் அவர்கள் எங்களுடன் மிகப்பெரிய அளவிலான வணிகத்தைச் செய்கிறார்கள். இந்தியா பெரிய அளவிலான பொருட்களை அமெரிக்காவிற்கு விற்கிறது. ஆனால் நாங்கள் அவற்றை மிகக் குறைவாகவே விற்கிறோம். இதுவரை முற்றிலும் ஒருதலைப்பட்ச உறவு, அது பல தசாப்தங்களாக இருந்து வருகிறது. காரணம், இந்தியா எங்களிடம் இவ்வளவு அதிக வரிகளை வசூலித்துள்ளது, இதுவரை எந்த நாட்டிலும் இல்லாத அளவுக்கு, எங்கள் வணிகங்கள் இந்தியாவிற்கு விற்க முடியவில்லை. இது முற்றிலும் ஒருதலைப்பட்ச பேரழிவாக இருந்து வருகிறது. அவர்கள் இப்போது தங்கள் வரிகளை ஒன்றுமில்லாமல் குறைக்க முன்வந்துள்ளனர், ஆனால் அது தாமதமாகி வருகிறது. அவர்கள் பல ஆண்டுகளுக்கு முன்பே அவ்வாறு செய்திருக்க வேண்டும். இவை எல்லாம் மக்கள் சிந்திக்க வேண்டிய சில எளிய உண்மைகள் என்றார்.