ஹுமாயூன் கல்லறை வளாகத்தில் உள்ள தர்காவின் மேற்கூரை இடிந்து ஏற்பட்ட விபத்தில் 5 பேர் பலி

டெல்லி: டெல்லி நிஜாமுதின் பகுதியில் உள்ள புராதானச் சின்னமான ஹுமாயூன் கல்லறை வளாகத்தில் உள்ள தர்காவின் மேற்கூரை இடிந்து ஏற்பட்ட விபத்தில் 5 பேர் உயிரிழந்தனர். இடிபாடுகளில் மேலும் சிலர் சிக்கியிருக்கலாம் என அஞ்சப்படுகிறது.

டெல்லி நிஜாமுதீன் பகுதியில் உள்ள ஹுமாயூன் கல்லறை வளாகத்தில் உள்ள தர்காவின் ஷெரீப் பட்டே ஷாவின் ஒரு பகுதி வெள்ளிக்கிழமை மாலை இடிந்து விழுந்ததில் மூன்று பெண்கள் மற்றும் இரண்டு ஆண்கள் உட்பட ஐந்து பேர் உயிரிழந்தனர். மேலும் சிலர் சிக்கியிருக்கலாம் என அஞ்சப்படுகிறது.

இதுகுறித்து தகவலறிந்து சம்பவ இடத்திற்கு விரைந்த தேசிய பேரிடர் மீட்புப் படையினர் தேடுதல் பணியை மேற்கொண்டு வருகின்றனர். மீட்புப் பணிகளை மேற்கொள்ள காவல்துறை மற்றும் தீயணைப்புப் படையினர் சம்பவ இடத்திற்கு விரைந்தனர்.

ஹுமாயூனின் கல்லறை 16 ஆம் நூற்றாண்டின் நடுப்பகுதியில் யுனெஸ்கோ உலக பாரம்பரிய தளமாகவும் பிரபலமான சுற்றுலா தலமாகவும் உள்ளது. டெல்லியில் கடந்த சில நாட்களாக கனமழை பெய்து வருகிறது. ஹுமாயூனின் கல்லறை வளாகத்தின் ஒரு பகுதி கனமழை காரணமாக இடிந்து விழுந்ததாகக் கூறப்படுகிறது. டெல்லியின் பல பகுதிகள் நீரில் மூழ்கியுள்ளன. சாலைகளும் வெள்ளத்தில் மூழ்கியுள்ளன, இதனால் போக்குவரத்து சிக்கல் ஏற்பட்டுள்ளது.