ஹோண்டா சிபி 125 ஹார்னெட்

ஹோண்டா நிறுவனம், சமீபத்தில், புதிய மேம்படுத்தப்பட்ட சிபி 125 ஹார்னெட் மோட்டார் சைக்கிளை அறிமுகம் செய்திருந்தது. இதில், அதிகபட்சமாக 11.1 எச்பி பவரையும், 11.2 என்எம் டார்க்கையும் வெளிப்படுத்தக் கூடிய 123.94 சிசி இன்ஜின் உள்ளது. முந்தைய மாடலை விட இத 0.3 எச்பி பவர் மற்றும் 0.2 என்எம் டார்க் கூடுதலாகும். 5 ஸ்பீடு கியர் பாக்ஸ் உள்ளது. முன்புறத்தில் தங்க நிற பூச்சு கொண்ட டெலஸ்கோப்பிக் சஸ்பென்ஷன், டிஸ்க் பிரேக்குகள் இடம் உள்ளன.

எல்இடி லைட்டிங், புளூடூத் இணைப்பு வசதி கொண்ட 4.2 அங்குல டிஎப்டி டிஸ்பிளே உள்ளது.ஹோண்டா ரோட் சிங்க்ரோனைஸ் ஆப் மூலம் இதில் இணைத்து மியூசிக் கேட்பது, அழைப்பு, மேசேஜ்களை தெரிந்து கொள்ளும் வசதி, நேவிகேஷன் உள்பட பல அம்சங்கள் உள்ளன. இதன் விலை விவரத்தை இந்நிறுவனம் அறிவித்துள்ளது. ஷோரூம் விலை சுமார் ரூ.1.12 லட்சம் என நிர்ணயம் செய்யப்பட்டுள்ளது. டிவிஎஸ் ரெய்டர், பல்சார் என் 125, ஹீரோ எக்ஸ்ட்ரீம் 125ஆர் ஆகியவற்றுக்கு இது போட்டியாக இருக்கும் என எதிர்பார்க்கப்படுகிறது.