ஒகேனக்கல் காவிரி ஆற்றில் நீர்வரத்து வினாடிக்கு 8,000 கனஅடியாக அதிகரிப்பு: மேட்டூர் அணைக்கு நீர்வரத்து சரிவு

தர்மபுரி: ஒகேனக்கல் காவிரி ஆற்றில் நீர்வரத்து விநாடிக்கு 8,000 கன அடியாக அதிகரித்துள்ளது. ஒகேனக்கல் ஆற்றில் நீர்வரத்து 6,000 கன அடியில் இருந்து 8,000 கன அடியாக உயர்ந்துள்ளது. மேட்டூர் அணைக்கு நீர்வரத்து வினாடிக்கு 6,523 கன அடியில் இருந்து 6,033 கன அடியாக சரிந்துள்ளது. மேட்டூர் அணையின் நீர்மட்டம் 111.48 அடியாகவும் நீர் இருப்பு 80.53 டி.எம்.சியாகவும் உள்ளது. மேட்டூர் அணையில் இருந்து மொத்தமாக 12,500 கன அடி நீர் வெளியேற்றப்பட்டு வருகிறது. டெல்டா பாசனத்துக்காக 12,000 கன அடியும் கிழக்கு, மேற்கு கால்வாய் வழியாக 500 கன அடி நீரும் வெளியேற்றப்பட்டு வருகிறது.