இமாச்சலில் புனித யாத்திரைக்கு சென்றபோது மோசமான வானிலையால் சிக்கிய 50 பேர் மீட்பு..!!

சம்பா: இமாச்சலில் புனித யாத்திரைக்கு சென்றபோது மோசமான வானிலையால் சிக்கிய 50 பேர் பத்திரமாக மீட்கப்பட்டனர். மணிமஹேஷ் யாத்திரைக்குச் சென்ற 50 பக்தர்கள் மோசமான வானிலை காரணமாக நேற்றைய தினம் (04.09.2025)சிக்கிக் கொண்டனர். இமாச்சலப் பிரதேச அமைச்சர் ஜகத் சிங் நேகியின் மேற்பார்வையில் மீட்புப் பணிகள் நடைபெற்றது. இந்த நிலையில், மணிமஹேஷ் யாத்திரையில் சிக்கித் தவித்த பக்தர்களை மீட்கும் பணியை இந்திய விமானப்படை தொடங்கியது.

விமானப்படையின் சினூக் ஹெலிகாப்டரின் முதல் விமானத்தில் 50 யாத்ரீகர்கள் (05.09.2025) பார்மூரில் இருந்து சம்பாவை அடைந்தனர்.வெள்ளிக்கிழமை அனைத்து பக்தர்களும் பாதுகாப்பாக வெளியேற்றப்பட்டு, பின்னர் அவர்களின் இடங்களுக்கு அனுப்பப்பட்டு வருகின்றனர். சாலைகள் சேதமடைந்த சில பகுதிகளில், அவர்களுக்கு உதவவும் அவர்களின் பாதுகாப்பை உறுதி செய்யவும் மாவட்ட நிர்வாகம் போதுமான பாதுகாப்புப் பணியாளர்களை நியமித்துள்ளது. கூடுதலாக, அவர்களுக்கு ஏற்படும் சிரமத்தைத் தடுக்க வழியில் இலவச உணவு, குடிநீர், போக்குவரத்து மற்றும் பிற அத்தியாவசிய வசதிகள் ஏற்பாடு செய்யப்பட்டுள்ளன.