தங்கம் விலை பவுனுக்கு ரூ.560 உயர்ந்தது: வெள்ளி விலை தொடர்ந்து ஜெட் வேகம்

சென்னை: தங்கம் விலையில் நேற்று பவுனுக்கு ரூ.560 உயர்ந்தது. மேலும் வெள்ளி விலை தொடர்ந்து ஜெட் வேகத்தில் அதிகரித்து வருகிறது. தங்கம் விலை இந்த மாதம் தொடக்கத்தில் இருந்து உயர்வதும், குறைவதுமாக இருந்து வருகிறது. இதன் ஒரு பகுதியாக நேற்று முன்தினம் தங்கம் விலை கிராமுக்கு ரூ.30 குறைந்து ஒரு கிராம் ரூ.11,770க்கும், பவுனுக்கு ரூ.240 குறைந்து, ஒரு பவுன் ரூ.94,160க்கும் விற்றது. வெள்ளி விலையை பொறுத்தவரையில் நேற்று முன்தினம் கிராமுக்கு ரூ.4 உயர்ந்து, ஒரு கிராம் ரூ.180க்கும், கிலோவுக்கு 4 ஆயிரம் உயர்ந்து, பார் வெள்ளி 1 லட்சத்து 80 ஆயிரத்துக்கும் விற்றது. இந்நிலையில், நேற்றும் தங்கம் விலை உயர்ந்தது. நேற்றைய தினம் தங்கம் விலை கிராமுக்கு ரூ.70 உயர்ந்து, ஒரு கிராம் ரூ.11,840க்கும், பவுனுக்கு ரூ.560 உயர்ந்து ஒரு பவுன் தங்கம் ரூ.94,720க்கும் விற்பனையானது. இதே போல வெள்ளி விலை நேற்றும் அதிரடி உயர்வை சந்தித்தது. அதாவது நேற்று வெள்ளி விலை கிராமுக்கு ரூ.3 உயர்ந்து ஒரு கிராம் ரூ.183க்கும், கிலோவுக்கு ரூ.3 ஆயிரம் உயர்ந்து, பார் வெள்ளி ரூ.1 லட்சத்து 80 ஆயிரத்துக்கும் விற்றது.