தங்கம் விலையில் மேலும் மாற்றம் பவுனுக்கு ரூ.360 குறைந்தது

சென்னை: தங்கம் விலை கடந்த மாதம் அதிரடியாக உயர்வை சந்தித்து வந்தது. இதன் ஒரு பகுதியாக கடந்த மாதம் 14ம் தேதி தங்கம் விலை ஒரு பவுன் ரூ.74,560க்கு விற்பனையாகி வரலாற்று உச்சத்தை பதிவு செய்தது. அதன் பின்னர் தங்கம் விலை தொடர்ந்து ஏற்றம், இறக்கத்துடன் காணப்பட்டு வந்தது.

இந்நிலையில், கடந்த 23ம் தேதி அன்று தங்கம் விலை கிடு,கிடுவென உயர்ந்தது. அன்றைய தினம் தங்கம் விலை பவுனுக்கு ரூ.760 உயர்ந்து, ஒரு பவுன் ரூ.75 ஆயிரத்து 40க்கு விற்பனையானது. இந்த விலை என்பது இதற்கு முன்னர் இருந்த அனைத்து உச்சத்தையும் முறியடித்து, வரலாற்று உச்சத்தை பதிவு செய்தது. இதற்கிடையில் நேற்று முன்தினம் தங்கம் விலை திடீரென ரூ.125 குறைந்தது.

இரண்டாவது நாளாக நேற்றும் தங்கம் விலை குறைந்தது. நேற்று தங்கம் விலை கிராமுக்கு ரூ.45 குறைந்து ஒரு கிராம் ரூ.9,210க்கும், பவுனுக்கு ரூ.360 குறைந்து ஒரு பவுன் ரூ.73,680க்கும் விற்பனையானது. கடந்த 2 நாட்களில் மட்டும் தங்கம் விலை பவுனுக்கு ரூ.1,360 குறைந்துள்ளது. வெள்ளி விலையில் நேற்று எந்த மாற்றமும் ஏற்படவில்லை. ஒரு கிராம் வெள்ளி ரூ.128க்கும், பார் வெள்ளி 1 லட்சத்து 28 ஆயிரம் ரூபாய்க்கும் விற்பனையானது.