தங்கம் விலையில் மாற்றம் பவுனுக்கு ரூ.320 சரிந்தது

சென்னை: தங்கம் விலை நேற்று பவுனுக்கு ரூ.320 குறைந்தது. தங்கம் விலை கடந்த மாதம் இறுதியில் இருந்து ஏற்றம், இறக்கத்துடன் காணப்பட்டு வருகிறது. இந்த நிலையில் கடந்த 6ம் தேதி தங்கம் விலை கிராமுக்கு ரூ.40 உயர்ந்து ஒரு கிராம் ரூ.12,040க்கும், பவுனுக்கு ரூ.320 உயர்ந்து ஒரு பவுன் ரூ.96,320க்கு விற்பனையானது. 7ம் தேதி ஞாயிற்றுக்கிழமை விடுமுறை தினம் என்பதால் தங்கம் விலையில் எந்தவித மாற்றமும் ஏற்படவில்லை. வாரத்தின் தொடக்க நாளான நேற்று முன்தினம் தங்கம் விலையில் எந்தவித மாற்றமும் ஏற்படவில்லை. இந்த நிலையில் நேற்று தங்கம் விலையில் மாற்றம் காணப்பட்டது. அதாவது நேற்றைய தினம் தங்கம் விலை கிராமுக்கு ரூ.40 குறைந்து ஒரு கிராம் ரூ.12,000க்கும், பவுனுக்கு ரூ.320 குறைந்து ஒரு பவுன் ரூ.96 ஆயிரத்துக்கும் விற்பனையானது. அதே நேரத்தில் நேற்று வெள்ளி விலை உயர்ந்தது. நேற்று வெள்ளி விலை கிராமுக்கு ஒரு ரூபாய் உயர்ந்து ஒரு கிராம் வெள்ளி ரூ.199க்கும், கிலோவுக்கு ஆயிரம் ரூபாய் உயர்ந்து பார் வெள்ளி 1 லட்சத்து 99 ஆயிரம் ரூபாய்க்கும் விற்பனையானது.