பெற்றோர் தவறான உறவை கண்டித்ததால் தனியார் கார் ஷோரூம் பெண் வரவேற்பாளர் தற்கொலை: 5 வயது மகன் அனாதையைாக நிற்கும் கொடுமை

சென்னை: பெற்றோர் தவறான உறவை கண்டித்ததால் மனமுடைந்த தனியார் கார் ஷோரூம் பெண் வரவேற்பாளர் ஒருவர் தூக்கிட்டு தற்கொலை செய்து கொண்டார்.

சென்னை எம்ஜிஆர்.நகர் தந்தை பெரியார் தெருவை சேர்ந்தவர் லலிதா(55). இவருக்கு சுமிதா(26) என்ற மகள் இருந்தார். சுமிதா ஈக்காட்டுதாங்கல் பகுதியில் உள்ள தனியார் கார் ஷோரூம் ஒன்றில் வவேற்பாளராக வேலை செய்து வந்தார். இவர் கடந்த 2019ம் ஆண்டு காதல் திருமணம் செய்து கொண்டார். பிறகு கணவருடன் ஏற்பட்ட கருத்து வேறுபாடு காரணமாக தற்போது தனது 5 வயது மகனுடன் தாய் லலிதா வீட்டில் வசித்து வந்தார்.

இதற்கிடையே கணவனை பிரிந்து தனிமையில் இருந்த சுமிதாவுக்கு பிரகாஷ் என்பவருடன் நட்பு ஏற்பட்டது. இந்த நட்பு பிறகு காதலாக மாறியது. ஒரு கட்டத்தில் இருவரும் ஒன்றாக பல இடங்களுக்கு சென்று தனிமையில் சுற்றி வந்துள்ளனர். இது குறித்த தகவல் சுமிதாவின் பெற்றோருக்கு தெரியவந்தது. உடனே அவரது பெற்றோர் 5வயதில் மகன் இருக்கும் போது, வேறு ஒருவருடன் தனியாக சுற்றி வந்தால் குழந்தையின் எதிர்காலம் என்னவாகும் என்று கண்டித்துள்ளனர்.

இதனால் கடும் மன உளைச்சலில் சுமிதா இருந்துள்ளார். அதேநேரம் நேற்று லலிதா தனது பேரன் மற்றும் கணவருடன் திரைப்படத்திற்கு சென்றுள்ளனர். சுமிதா மட்டும் நேற்று வீட்டில் தனியாக இருந்துள்ளார். பிறகு திரைப்படம் முடிந்து வீட்டிற்கு வந்து வெகு நேரம் கதவை தட்டியும் சுமிதா கதவை திறக்கவில்லை. இதனால் சந்தேகமடைந்து வீட்டின் கதவை அருகில் உள்ளவர்கள் உதவியுடன் திறந்து பார்த்த போது, சுமிதா படுக்கை அறையில் தூக்கிட்டு தற்கொலை செய்து கொண்டிருந்ததை பார்த்து அதிர்ச்சியடைந்தனர். உடனே சம்பவம் குறித்து லலிதா எம்ஜிஆர்.நகர் காவல் நிலையத்திற்கு தகவல் அளித்தார்.

அதன்படி போலீசார் விரைந்து வந்து சுமிதாவின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். பின்னர் சம்பவம் குறித்து வழக்கு பதிவு செய்து சுமிதாவின் செல்போனை கைப்பற்றி விசாரணை நடத்தி வருகின்றனர். சுமிதாவின் இறப்பால் அவரது 5 வயது மகன் தற்போது பெற்றோர் ஆதரவுன்றி அனாதையாக உள்ளார். திருணத்திற்கு மீறிய உறவை பெற்றோர் கண்டித்தால் இளம் பெண் ஒருவர் உயிரிழந்த சம்பவம் அப்பகுதியில் பரபரப்பை ஏற்படுத்தியுள்ளது.