17ம் தேதி 147வது பிறந்தநாள் பெரியார் சிலைக்கு அதிமுக மரியாதை

சென்னை: பெரியார் 147வது பிறந்தநாளையொட்டி 17ம் தேதி அவரது சிலைக்கு அதிமுக நிர்வாகிகள் மரியாதை செலுத்துகிறார்கள். இதுகுறித்து அதிமுக தலைமை கழகம் நேற்று வெளியிட்டுள்ள அறிக்கை: தந்தை பெரியார் 147வது பிறந்த நாளான வருகிற 17ம் தேதி (புதன்) காலை 10 மணியளவில், சென்னை அண்ணா மேம்பாலம் அருகே அமைந்துள்ள பெரியார் சிலைக்கு அதிமுக தலைமை கழக செயலாளர்கள் மரியாதை செலுத்த உள்ளனர்.

இதில், மாவட்ட செயலாளர்கள், அதிமுக எம்பி, எம்எல்ஏக்கள், முன்னாள் அமைச்சர்கள், முன்னாள் எம்பி, எம்எல்ஏக்கள், சார்பு அணிகளின் துணை நிர்வாகிகள், பல்வேறு நிலைகளில் பணியாற்றி வரும் நிர்வாகிகள், எம்.ஜி.ஆர். மன்றம், ஜெயலலிதா பேரவை, எம்.ஜி.ஆர். இளைஞர் அணி உள்ளிட்ட பல்வேறு அமைப்புகளை சேர்ந்த நிர்வாகிகளும், தொண்டர்களும் கலந்து கொள்ள வேண்டும்.