சென்னை: மக்களவை தேர்தல் தொகுதி பங்கீடு தொடர்பாக அதிமுக-தேமுதிக இடையே இன்று 3-ம் கட்ட பேச்சுவார்த்தை நடைபெற உள்ளது. தேமுதிகவுக்கு வடசென்னை, கள்ளக்குறிச்சி உட்பட 4 தொகுதி ஒதுக்க அதிமுக தயாராக உள்ளதாக கூறப்படுகிறது. வடசென்னைக்கு பதில் வேறு தொகுதி தர வேண்டும் என்று தேமுதிக கோரிக்கை விடுத்துள்ளதாக தகவல் வெளியாகியுள்ளது. 2 கட்டங்களாக நடந்த பேச்சுவார்த்தையில் சுமுக தீர்வு எட்டப்படாத நிலையில் இன்று மூன்றாம் கட்ட பேச்சுவார்த்தை நடைபெற உள்ளது. அதிமுக குழுவுடன் தேமுதிக பேச்சுவார்த்தை குழுவினர் ராயப்பேட்டையில் உள்ள அதிமுக அலுவலகத்தில் சந்திக்க உள்ளதாக தகவல் வெளியாகியுள்ளது. தொகுதி பங்கீடு உட்பட அனைத்தும் இறுதி செய்யப்படும் என எதிர்பார்க்கப்படுகிறது. தேமுதிகவுடன் பேச்சுவார்த்தை சுமுகமாக சென்று கொண்டிருப்பதாக பழனிசாமி நேற்று கூறிய நிலையில் இன்று மூன்றாம் கட்ட பேச்சுவார்த்தை நடைபெறுகிறது.
