நடிகர் ரவி மோகன் சொத்து ஆவணங்கள் தாக்கல் செய்ய சென்னை உயர்நீதிமன்றம் உத்தரவு!

சென்னை : படத்தில் நடிப்பதற்காக பெற்ற முன்பணத்தை திரும்ப அளிக்காத வழக்கில் ரூ.6 கோடிக்கான சொத்து ஆவணங்களை தாக்கல் செய்ய நடிகர் ரவி மோகனுக்கு சென்னை ஐகோர்ட் உத்தரவிட்டுள்ளது. நடிகர் ரவி மோகன் படத்தில் நடிப்பதற்காக பெற்ற முன் பணத்தை திரும்ப அளிக்கவில்லை என்று கூறி, பாபி டச் கோல்டு யுனிவர்சல் நிறுவனம் சார்பில் தாக்கல் செய்யப்பட்ட வழக்கு சென்னை உயர்நீதிமன்றத்தில் இன்று விசாரணைக்கு வந்தது.

இந்த வழக்கை விசாரித்த நீதிபதி, ரூ.5.9 கோடிக்கான சொத்து ஆவணங்களை 4 வாரங்களில் தாக்கல் செய்ய ரவி மோகனுக்கு உத்தரவிட்டார். இந்த வழக்கின் மூலம் எதிர்மறையான விளம்பரம் தான் கிடைக்கும் என்று குறிப்பிட்ட நீதிபதி, அதற்கு பதிலாக பணத்தை திரும்ப அளித்துவிடலாமே என்று கேள்வி எழுப்பினார். மேலும் பாபி டச் கோல்டு யுனிவர்சல் நிறுவனத்திற்கும் நடிகர் ரவி மோகனுக்கும் இடையேயான பிரச்சனையை தீர்த்துக் கொள்ள மத்தியஸ்தரை நியமித்தும் நீதிபதி உத்தரவிட்டார்.