வாசகர் பகுதி - கால் வெடிப்பு மறைய...

நன்றி குங்குமம் தோழி

குதிகால் வெடிப்பு எல்லா பெண்களுக்கும் சாதாரணமாக தோன்றுவதுதான். இயற்கையான முறையில் குதிகால் வெடிப்பை எப்படி நீக்குவது என்பதைப் பற்றி பார்ப்போம்...

* தேங்காய் எண்ணெயை வெதுவெதுப்பாக சூடேற்றி, பாதங்களில் தடவி, 15 நிமிடம் மசாஜ் செய்ய வேண்டும். இப்படி தினமும் பின்பற்றி வந்தால் வெடிப்பு நீங்கி மென்மையாக இருக்கும்.

*வேப்பிலையை அரைத்து பேஸ்ட் செய்து, பாதங்களில் தடவி உலர வைத்து கழுவ வேண்டும். தினமும் இப்படி இரண்டு முறை செய்து வந்தால் பாதப் பிரச்னைகள் விரைவில் சரியாகும்.

* இரவில் படுக்கும் முன் ஆலிவ் ஆயிலை குதிகால்களில் தடவி மசாஜ் செய்து சாக்ஸ் அணிந்து கொள்ள வேண்டும். தினமும் இப்படி செய்து வர மூன்றே நாட்களில் மாற்றத்தை காணலாம்.

*தினமும் இரவில் படுக்கும் முன் பாதங்களில் பெட்ரோலியம் ஜெல்லியை தடவி வந்தால் பாதங்களில் உள்ள வறட்சி நீங்கி, குதிகால் வெடிப்பும் மறைய ஆரம்பிக்கும்.

*ஒருநாள் விட்டு ஒருநாள் எலுமிச்சை தோலால் பாதங்களை நன்றாக தேய்த்து கழுவுங்கள். இது வெடிப்பிலுள்ள அழுக்குகளை நீக்கி பாதத்தை சுத்தமாக்கும்.

*தயிரை வெள்ளை வினிகருடன் சேர்த்து கலந்து குதிகாலில் தடவி நன்கு ஊறவைத்து பின் தேய்த்துக் கழுவினால் வெடிப்பு மறைய ஆரம்பிக்கும்.

*அரிசி மாவில் தேன், ஆலிவ் ஆயில் மற்றும் வினிகர் ேசர்த்து பேஸ்ட் செய்து, வறட்சியடைந்த பாதங்களில் தடவி உலரவைத்து பின் வெதுவெதுப்பான நீரில் கழுவி வர பாதங்கள் மென்மையாக வெடிப்பின்றி இருக்கும்.

தொகுப்பு: ச.லெட்சுமி, தென்காசி.