புளிச் சுண்டல்

பச்சரிசி - 4 கப்,

கெட்டியான புளிக்கரைசல் - 1½ கப்,

உப்பு - தேவைக்கு,

மஞ்சள் பொடி - 1 டீஸ்பூன்,

கடலைப் பருப்பு - ¼ கப்,

துருவிய வெல்லம் - 1 டேபிள்ஸ்பூன்.

வறுத்துப் பொடிக்க:

வரமிளகாய் - 6,

வெந்தயம் 1 டீஸ்பூன்,

எள் - 1 டேபிள் ஸ்பூன்,

தனியா - 1 டேபிள் ஸ்பூன்,

எண்ணெய் - 1 டீஸ்பூன்,

கடுகு - 1 டீஸ்பூன்.

தாளிக்க:

நல்லெண்ணெய், சமையல் எண்ணெய் - தலா 4 டேபிள்ஸ்பூன், கடுகு - 1 டீஸ்பூன், கறிவேப்பிலை - 10 இதழ்கள், உடைத்த முந்திரி துண்டுகள் - 2 டேபிள் ஸ்பூன்.

செய்முறை:

வெறும் வாணலியில் அரிசி, கடலைப்பருப்பு இரண்டையும் வறுத்துத் தனியே வைக்கவும். அதே வாணலியில் 1 டீஸ்பூன் எண்ணெய் விட்டு வறுக்கக் கொடுத்துள்ள பொருட்களை வறுத்து கொரகொரப்பாகப் பொடிக்கவும். குக்கரில் எண்ணெய் (8 ஸ்பூன்) விட்டு தாளிக்கக் கொடுத்துள்ள பொருட்களைத் தாளித்து 1½ கப் புளிக்கரைசல், 7 கப் தண்ணீர், உப்பு, மஞ்சள் தூள், வெல்லத்தூள் சேர்த்து வறுத்து வைத்துள்ள அரிசி, பருப்பு சேர்த்து பொடித்து வைத்துள்ள பொடியை சேர்த்து அனைத்தையும் நன்றாகக் கலந்து ஒரு விசில் வந்ததும் இறக்கி நன்றாக கலந்து பரிமாறவும்.