கிருஷ்ணர் ஜெயந்தி ஸ்பெஷல் - ஆரோக்கியம் தரும் அவல் பலகாரங்கள்!

1.வெஜிடபிள் அவல் உப்புமா

தேவையான பொருட்கள்

அவல் - 1 கப் (மிதமான அளவு)

வெங்காயம் - 1

மிளகாய்த் தூள் - ½ டீஸ்பூன்

கேரட், பீன்ஸ் - சிறிது (நறுக்கியது)

கடுகு, உளுந்தம் பருப்பு - சிறிது

கறிவேப்பிலை, கொத்தமல்லி - சிறிது

எண்ணெய், உப்பு - தேவையான அளவு.

செய்முறை

அவலை தண்ணீரில் கழுவி வடிகட்டி 5 நிமிடம் ஊற வைக்கவும்.வாணலியில் எண்ணெய் ஊற்றி கடுகு, உளுந்து சேர்த்துத் தாளிக்கவும்.வெங்காயம் மற்றும் காய்கறிகளை வதக்கவும்.மிளகாய்த்தூள், உப்பு சேர்த்து கிளறவும்.அவலை சேர்த்து நன்கு கிளறி மூடி 5 நிமிடம் வைக்கவும். மேலே கொத்தமல்லி தூவி பரிமாறவும்.

2.பாலவல்

தேவையான பொருட்கள்

அவல் - 1 கப்

பால் - 1 கப்

சர்க்கரை / நாட்டு சக்கரை - 2 டேபிள்ஸ்பூன்

ஏலக்காய் தூள் - 1 சிட்டிகை

முந்திரி, திராட்சை - சிறிது

நெய் - 1 டீஸ்பூன்.

செய்முறை:

அவலை வெறும் வாணலியில் வாசனை வரும் வரை வறுக்கவும். பால் ஊற்றி கொதிக்க விடவும்.

சர்க்கரை, ஏலக்காய் தூள் சேர்க்கவும்.நெயில் வறுத்த முந்திரி, திராட்சை சேர்த்து பரிமாறவும்.

3.லெமன் அவல்

தேவையான பொருட்கள்

அவல் - 1 கப்

எலுமிச்சைச் சாறு - 1 டேபிள்ஸ்பூன்

கடுகு, உ.பருப்பு, பச்சை மிளகாய் - தாளிக்க

வெங்காயம் - 1 (விருப்பத்திற்கேற்ப)

உப்பு, மஞ்சள் தூள் - தேவையான அளவு.

செய்முறை

அவலை தண்ணீரில் கழுவி 10 நிமிடம் ஊற வைக்கவும். வாணலியில் எண்ணெய் ஊற்றி தாளித்து

வெங்காயம் சேர்த்து வதக்கவும்.மஞ்சள் தூள், உப்பு சேர்த்து அவல் சேர்க்கவும்.இறுதியாக எலுமிச்சைச் சாறு சேர்த்து கிளறவும்.தேவையானால் பூண்டு சட்னியுடன் பரிமாறலாம்.

4.தீயா அவல்

தேவையான பொருட்கள்

அவல் - 1 கப்

நெய் - 1 டீஸ்பூன்

வெல்லம் - ½ கப்

தேங்காய் துருவல் - 2 டேபிள்ஸ்பூன்

ஏலக்காய் தூள் - 1 சிட்டிகை.

செய்முறை

அவலை நன்கு கழுவி உலர வைக்கவும்.வெல்லம் சிறிது தண்ணீரில் கரைத்து வடிகட்டவும்.அவலுடன் தேங்காய், வெல்லச் சாறு, ஏலக்காய் சேர்த்து கிளறவும். சிறிது நெய் ஊற்றி வாசனை வரும்வரை வேகவைக்கவும்.