தாட்கோ மூலம் வீடியோ ஒளிப்பதிவு பயிற்சி பெறலாம்

விருதுநகர், ஆக.20: தாட்கோ மூலம் இளைஞர்கள் வீடியோ ஒளிப்பதிவு பயிற்சி பெற விண்ணப்பிக்கலாம் என அறிவிக்கப்பட்டுள்ளது. விருதுநகர் கலெக்டர் சுகபுத்ரா வெளியிட்ட தகவல்: தாட்கோ மூலம் ஆதிதிராவிடர் மற்றும் பழங்குடியின இளைஞர்களுக்கு வீடியோ ஒளிப்பதிவு மற்றும் வடிவமைப்பு பயிற்சி அளிக்கப்பட உள்ளது. பயிற்சி பெற குடும்ப ஆண்டு வருமானம் ரூ.3 லட்சத்திற்குள் இருக்க வேண்டும்.

பிளஸ் 2 தேர்ச்சி பெற்ற, 18 முதல் 30 வயது வரை உள்ளவர்கள் விண்ணப்பிக்கலாம். பயிற்சிக்கான கால அளவு 3 மாதங்கள். பயிற்சியை முழுமையாக முடிக்கும் இளைஞர்களுக்கு பயிற்சி சான்றிதழ் மற்றும் வேலைவாய்ப்பிற்கு ஏற்பாடு செய்யப்படும். பயிற்சி பெற தாட்கோ இணையதளம் (www.tahdco.com) என்ற முகவரியில் விண்ணப்பிக்கலாம். தங்கும்விடுதி, உணவு உட்பட செலவினம் தாட்கோ மூலம் வழங்கப்படும் என தெரிவித்துள்ளார்.