விடுதியில் தங்கி படித்த மாணவி மாயம்

ஆட்டையாம்பட்டி, நவ.22: கிருஷ்ணகிரி மாவட்டம் ஊத்தங்கரை பகுதியை சேர்ந்தவர் மாரியப்பன் (50). இவரது மகள் தன (18). இவர், சேலம் அருகே சீராகாபாடி பகுதியில் உள்ள தனியார் நர்சிங் கல்லூரியில் படித்து வந்தார். கல்லூரி விடுதியில் தங்கி படித்து வந்த தன நேற்று காலை பூப்பறித்து விட்டு வருவதாக கூறிச்சென்றவர் விடுதிக்கு திரும்பவில்லை. இதுகுறித்து விடுதி காப்பாளர், தனயின் பெற்றோருக்கு தகவல் தெரிவித்தார். அவரை பல்வேறு இடங்களில் தேடியும் கிடைக்காததால், ஆட்டையாம்பட்டி போலீஸ் ஸ்டேஷனில் பெற்றோர் புகார் தெரிவித்தனர். இதன்பேரில், போலீஸ் இன்ஸ்பெக்டர் கண்ணன் வழக்குப்பதிந்து மாயமான மாணவியை தேடி வருகின்றனர்.