நவராத்திரி விழா

திருப்புத்தூர், செப். 27: திருப்புத்தூர் அருகே கீழச்சிவல்பட்டி தனியார் மெட்ரிக் பள்ளியில் நேற்று நவராத்திரி கலை விழா நடைபெற்றது. நவராத்திரி விழாவை முன்னிட்டு பள்ளி வளாகத்தில் கொலு பொம்மைகள் 9 படிகளாக அடுக்கப்பட்டு தினமும் பூஜைகள் நடைபெற்றது. நேற்று கொலு பொம்மைகளுக்கு தீர்த்த கலசங்கள் வைத்து பூஜை செய்யப்பட்டு பள்ளி மாணவி ஷிவானி குத்துவிளக்கேற்ற நெய்வேத்தியம் மற்றும் தீபாராதனை நடைபெற்றது. தொடர்ந்து குழந்தைகளின் பரதநாட்டியம், ஆன்மீகப்பாடல்கள், நாதஸ்வர இசை நிகழ்ச்சி நடைபெற்றது.