பரமக்குடி சட்டமன்ற தொகுதியில் எஸ்.ஐ.ஆர். பணிகள் 85% நிறைவு

பரமக்குடி, டிச. 1: பரமக்குடி 209 (தனி) சட்டமன்ற தொகுதியில் சதவீத சராசரியாக 82 சதவீதம் வாக்காளர் பட்டியல் சிறப்பு தீவிர திருத்த படிவங்கள் திரும்ப பெறப்பட்டுள்ளன. பரமக்குடி நகராட்சியில் 72 சதவீதம் முடிந்த நிலையில் மீதமுள்ளவர்கள் விரைந்து வழங்க கேட்டுக் கொண்டுள்ளனர் என பரமக்குடி கோட்டாட்சியர் சரவண பெருமாள் தெரிவித்துள்ளார்.

வாக்காளர் பட்டியலில் இடம் பெற்றுள்ள அனைத்து வாக்காளர்களிடமும், 2002 தீவிர சிறப்பு திருத்தத்துடன் ஒப்பிட்டு படிவங்கள் பெறப்பட்டு வருகிறது. டிச.11க்குள் திரும்ப ஒப்படைக்க வேண்டும்.பரமக்குடி சபைக்கு உட்பட்ட பரமக்குடி நகராட்சி, தாலுகா உட்பட கமுதி வட்டம், அபிராமம் பேரூராட்சி ஆகிய பகுதிகளுக்கு உட்பட்ட வாக்

காளர்களிடம் பி.எல்.ஓ., கள் படிவங்களை வழங்கி உள்ளனர். பரமக்குடி புறநகர் பகுதிகளில் உள்ள வாக்காளர்களிடம் 86 சதவீதம் படிவங்கள் பெறப்பட்டுள்ளது. ஆனால், பரமக்குடி நகராட்சியில் 72 சதவீத படிவங்கள் மட்டுமே திரும்ப பெறப்பட்டுள்ளது.

வாக்காளர் திருத்தப் படிவத்தை கையில் வைத்துக்கொள்ளாமல் உடனடியாக வேண்டும். மேலும் வெளியூரில் உள்ளவர்கள் உட்பட மாற்று இடங்களில் குடி பெயர்ந்து சென்றவர்கள் யாரேனும் படிவங்களை பெறாமல் இருந்தால் இப்பணியை செய்து முடிக்க வேண்டும். தொடர்ந்து தேர்தல் ஆணையத்தின் உத்தரவுப்படி, டிசம்பர் 11க்குள் அனைத்து படிவங்களையும் ஒப்படைக்க வேண்டும் என பரமக்குடி கோட்டாட்சியர் சரவண பெருமாள் தெரிவித்துள்ளார்.