நெடுஞ்சாலை ஓரத்தில் படமெடுத்து ஆடிய நல்ல பாம்பு

நத்தம், டிச. 1: நெடுஞ்சாலை ஓரத்தில் நல்ல பாம்பு படமெடுத்து ஆடியதால் வாகன ஓட்டிகள் அதிர்ச்சியடைந்தனர். நத்தம் அருகே கொட்டாம்பட்டி செல்லும் நெடுஞ்சாலையில் அப்பாஸ்புரம் உள்ளது. இப்பகுதியில் உள்ள பாலத்தின் அருகில் நல்ல பாம்பு ஒன்று நேற்று படமெடுத்த நிலையில் நீண்ட நேரமாக இருந்தது. இதை பார்த்த பொதுமக்கள் நத்தம் தீயணைப்பு நிலையத்திற்கு தகவல் தெரிவித்தனர். உடனே சம்பவ இடத்திற்கு வந்த நிலைய உதவி அலுவலர் அம்சராஜன் தலைமையிலான வீரர்கள் குழு அந்த நல்ல பாம்பை, லாவகமாக பிடித்து நத்தம் வனத்துறை வசம் ஒப்படைத்தனர். அதை வனத்துறையினர் கரந்தமலைப் பகுதியில் அடர்ந்த காட்டுப் பகுதியில் கொண்டு போய் விட்டனர்.