நிலக்கோட்டை குரும்பபட்டியில் கோரிக்கை மனுக்களுக்கு உடனடி தீர்வு

நிலக்கோட்டை, செப். 18: நிலக்கோட்டை ஒன்றியம் நக்கலூத்து, கூவனூத்து ஊராட்சிகளுக்கான உங்களுடன் ஸ்டாலின் திட்ட முகாம் குரும்பபட்டியில் நடைபெற்றது. வட்டார வளர்ச்சி அலுவலர் மாணிக்கம் தலைமை வகித்தார். வட்டாட்சியர் விஜயலெட்சுமி முன்னிலை வகித்தனர். ஊராட்சி செயலர் துரை மாணிக்கம் வரவேற்றார். இம்முகாமில் பொதுமக்கள் பலர் ஆர்வமுடன் கலந்து கொண்டு தங்களது கோரிக்கை மனுக்களை அளித்தனர்.

தொடர்ந்து பெறப்பட்ட மனுக்கள் அந்தந்த துறை அலுவலர்களால் உடனுக்குடன் ஆன்லைனில் பதிவு செய்யப்பட்டன. இதில் 30க்கும் மேற்பட்ட மனுக்களுக்கு உடனடியாக தீர்வு கண்டு அதற்கான சான்றிதழ்களை பயனாளிகளிடம் திமுக மேற்கு ஒன்றிய செயலாளர் கரிகாலபாண்டியன் வழங்கினார். இதில் கட்சி நிர்வாகிகள் ஜான்போஸ்கோ, பாலசந்திரன், செல்வம், மலையாளம், வேல்முருகன், கந்தபிரபு உள்பட பலர் கலந்து கொண்டனர்.