Sunday, June 16, 2024
Home » பராக் – சாம்சன் அதிரடி வீண்; ராயல்சை வீழ்த்தியது குஜராத்

பராக் – சாம்சன் அதிரடி வீண்; ராயல்சை வீழ்த்தியது குஜராத்

by MuthuKumar

ஜெய்பூர்: சவாய் மான்சிங் ஸ்டேடியத்தில் நேற்று இரவு நடந்த இப்போட்டியில், டாஸ் வென்ற குஜராத் முதலில் பந்துவீசியது. தொடக்க ஆட்டக்காரர் ஜெய்ஸ்வால் 24 ரன்னில் (19 பந்து, 5 பவுண்டரி) வெளியேறினார். பட்லர் 8 ரன் எடுத்து ரஷித் சுழலில் வெளியேற, ராஜஸ்தான் 42 ரன்னுக்கு 2 விக்கெட் இழந்து தடுமாறியது. இந்த நிலையில், கேப்டன் சஞ்சு சாம்சன் – ரியான் பராக் ஜோடி அதிரடியாக ரன் குவித்தனர். பராக் 34 பந்திலும், சாம்சன் 31 பந்திலும் அரை சதம் அடித்தனர். இருவரும் 3வது விக்கெட்டுக்கு 130 ரன் சேர்த்தனர்.

பராக் 76 ரன் (48 பந்து, 3 பவுண்டரி, 5 சிக்சர்) விளாசி மோகித் பந்துவீச்சில் விஜய் ஷங்கர் வசம் பிடிபட்டார். ராஜஸ்தான் 20 ஓவர் முடிவில் 3 விக்கெட் இழப்புக்கு 196 ரன் குவித்தது. சாம்சன் 68 ரன் (38 பந்து, 7 பவுண்டரி, 2 சிக்சர்), ஹெட்மயர் 13 ரன்னுடன் ஆட்டமிழக்காமல் இருந்தனர். குஜராத் பந்துவீச்சில் உமேஷ், ரஷித், மோகித் தலா 1 விக்கெட் வீழ்த்தினர்.

அடுத்து களமிறங்கிய குஜராத் கடைசி ஓவரில் 6 விக்கெட் இழப்புக்கு 197 என்ற இலக்கை எட்டி ராஜஸ்தான் அணிக்கு முதல் தோல்வியை பரிசளித்தது. சுப்மன் கில் அதிரடியாக 72 ரன் (44 பந்து, 6 பவுண்டரி, 2 சிக்சர்) விளாசினார். அடுத்ததாக சாய் சுதர்சன் 32 ரன் எடுத்தார். கடைசி வரை போராடிய ரஷித்கான் 24 ரன்னும், ராகுல் டிவேடியா 22 ரன்னும் எடுத்து குஜராத்துக்கு வெற்றியைத் தேடித் தந்தனர். இதனால், ராஜஸ்தான் அணியின் பராக்-சாம்சன் ஜோடியின் அதிரடி வீணானது. ராஜஸ்தான் ராயல்ஸ் பந்துவீச்சில் குல்தீப் சென் 3 விக்கெட், சகால் 2 விக்கெட் வீழ்த்தினர்.

You may also like

Leave a Comment

5 × 2 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi