Friday, June 14, 2024
Home » ஒன்றிய அமைச்சர்களின் வெற்றி, தோல்வி

ஒன்றிய அமைச்சர்களின் வெற்றி, தோல்வி

by Ranjith

1. அமித்ஷா: குஜராத்தின் காந்திநகர் மக்களவைத் தொகுதியில் உள்துறை அமைச்சர் அமித் ஷா காங்கிரஸ் வேட்பாளர் சோனல் படேலை விட 7.44 லட்சம் வாக்குகள் வித்தியாசத்தில் வெற்றி பெற்றார்.

2. ராஜ்நாத்சிங்: ஒன்றிய பாதுகாப்பு அமைச்சர் ராஜ்நாத் சிங், லக்னோ தொகுதியில் இருந்து தொடர்ந்து மூன்றாவது முறையாக வெற்றி பெற்றார்.

3. நிதின்கட்கரி: நாக்பூர் மக்களவைத் தொகுதியில் போக்குவரத்து அமைச்சர் நிதின் கட்கரி வெற்றி பெற்றார்.

4. பியூஷ்கோயல்: வர்த்தகம் மற்றும் தொழில்துறை அமைச்சர் பியூஷ் கோயல் மும்பை வடக்கு தொகுதியில் 3.27 லட்சம் வாக்குகள் வித்தியாசத்தில் வெற்றி பெற்றார்.

5. கிரண் ரிஜிஜூ: புவி அறிவியல் துறை அமைச்சர் கிரண் ரிஜிஜு அருணாச்சலபிரதேசம் மேற்கு தொகுதியில் 96,000 வாக்குகள் வித்தியாசத்தில் வெற்றி பெற்றார்.

6: அர்ஜுன் ராம் மேக்வால்: ஒன்றிய அமைச்சர் அர்ஜுன் ராம் மேக்வால், பிகானர் தொகுதியில் 55 ஆயிரம் ஓட்டுகள் பெற்று முன்னிலை பெற்றார்.

7. கஜேந்திர சிங் ஷெகாவத்: ஜோத்பூர் தொகுதியில் ஒன்றிய அமைச்சர் கஜேந்திரசிங் ஷெகாவத் 1.14 லட்சம் வாக்குகள் முன்னிலை பெற்றார்.

8. மன்சுக் மாண்டவியா: குஜராத்தின் போர்பந்தரில் சுகாதாரத்துறை அமைச்சர் மன்சுக் மாண்டவியா 3.8 லட்சம் வாக்குகள் வித்தியாசத்தில் முன்னிலை பெற்றார்.

9. தர்மேந்திரபிரதான்: ஒடிசாவின் சம்பல்பூரில் பிஜு ஜனதா தளத்தின் (பிஜேடி) பிரணாப் பிரகாஷ் தாஸை எதிர்த்து ேபாட்டியிட்ட கல்வி அமைச்சர் தர்மேந்திர பிரதான் 1.15 லட்சத்திற்கும் அதிகமான வாக்குகள் வித்தியாசத்தில் வெற்றி பெற்றார்.

10:கிஷன்ரெட்டி: ஒன்றிய கலாச்சார அமைச்சர் ஜி. கிஷன் ரெட்டி 50,000 வாக்குகள் வித்தியாசத்தில் தெலங்கானா மாநிலம் செகந்திராபாத் தொகுதியில் வெற்றி பெற்றார்.

11.ஸ்மிருதி இரானி: 2019ல் ராகுல் காந்தியை தோற்கடித்து அமேதி மக்களவைத் தொகுதியில் வெற்றி பெற்ற இரானி, காந்தி குடும்பத்தின் உதவியாளரான காங்கிரஸ் வேட்பாளர் கிஷோரி லால் சர்மாவிடம் தோல்வி அடைந்தார்.

12.ராஜீவ் சந்திரசேகர்: கேரளாவின் திருவனந்தபுரம் மக்களவைத் தொகுதியில் மின்னணு மற்றும் தகவல் தொழில்நுட்பத் துறை இணை அமைச்சர் ராஜீவ் சந்திரசேகர் 16,077 வாக்குகள் வித்தியாசத்தில் காங்கிரஸின் சசி தரூரிடம் தோல்வியடைந்தார்.

13.பூபேந்தர் யாதவ்: ஒன்றிய சுற்றுச்சூழல் அமைச்சர் பூபேந்தர் யாதவ், முதல்முறையாக மக்களவை தேர்தலில் ராஜஸ்தானின் அல்வார் தொகுதியில் போட்டியிட்டார். அவர் காங்கிரஸ் வேட்பாளர் லலித் யாதவை 48,282 வாக்குகள் வித்தியாசத்தில் தோற்கடித்தார்.

14.அனுராக் தாக்கூர்: ஒன்றிய தகவல் மற்றும் ஒளிபரப்புத் துறை அமைச்சர் அனுராக் தாக்கூர், இமாச்சலப் பிரதேசத்தின் ஹமிர்பூர் தொகுதியில் இருந்து ஐந்தாவது முறையாக தேர்வு செய்யப்பட்டார். அவர் காங்கிரஸ் கட்சியின் சத்பால் ரைசாதாவை 1,82,357 வாக்குகள் வித்தியாசத்தில் தோற்கடித்தார்.

15. அஜய் மிஸ்ரா: உபி மாநிலம் லக்கிம்பூர் கெரியில் நடந்த வன்முறை தொடர்பான சர்ச்சையில் சிக்கிய ஒன்றிய உள்துறை இணை அமைச்சர் அஜய் மிஸ்ரா சமாஜ்வாதி கட்சியின் உட்கர்ஷ் சர்மாவை விட 33,000 வாக்குகள் வித்தியாசத்தில் பின்தங்கினார்.

16. எல். முருகன்: ஒன்றிய மீன்வளம், கால்நடை பராமரிப்பு மற்றும் பால்வளத்துறை இணையமைச்சர் எல்.முருகன், நீலகிரி தொகுதியில் திமுகவின் ஆ.ராஜாவிடம் தோல்வி அடைந்தார்.

17. அர்ஜுன் முண்டா: ஜார்க்கண்டின் குந்தி மக்களவைத் தொகுதியில், பழங்குடியினர் விவகார அமைச்சர் அர்ஜுன் முண்டா, காங்கிரஸ் வேட்பாளர் காளிசரண் முண்டாவை விட 1.49 லட்சம் வாக்குகள் வித்தியாசத்தில் பின்தங்கி உள்ளார்.

18. கைலாஷ் சவுத்ரி: விவசாயம் மற்றும் விவசாயிகள் நலத்துறை இணை அமைச்சர் கைலாஷ் சவுத்ரி ராஜஸ்தானின் பார்மரில் காங்கிரஸ் வேட்பாளர் உம்மடா ராம்பெனிவாலிடம் 4.17 லட்சம் வாக்குகள் வித்தியாசத்தில் தோல்வி அடைந்தார். அவர் மூன்றாவது இடத்திற்கு தள்ளப்பட்டார்.

19:புருஷோத்தம் ரூபாலா: குஜராத் மாநிலம் ராஜ்கோட் தொகுதியில் போட்டியிட்ட ஒன்றிய அமைச்சர் புருஷோத்தம் ரூபாலா 4.65 லட்சம் ஓட்டுகள் முன்னிலை பெற்றார்.

20.ராவ் சாகேப் தன்வே: மகாராஷ்டிரா மாநிலம் ஜால்னா தொகுதியில் களம் இறங்கிய ஒன்றிய அமைச்சர் ராவ் சாகேப் தன்வே, காங்கிரஸ் வேட்பாளர் கல்யாண் காலேவிடம் 1 லட்சம் ஓட்டு வித்தியாசத்தில் தோல்வி அடைந்தார்.

21.சுபாஷ் சர்க்கார்: மேற்குவங்க மாநிலம் பங்குரா தொகுதியில் போட்டியிட்ட கல்வித்துறை இணையமைச்சர் சுபார் சர்க்கார் 32 ஆயிரம் ஓட்டு வித்தியாசத்தில் திரிணாமுல் வேட்பாளர் அரூப் சக்ரவர்த்தியிடம் தோல்வியடைந்தார்.

22. நிதிஷ் பிரமணிக்: ஒன்றிய உள்துறை இணை அமைச்சர் நிதித் பிரமணிக் மேற்குவங்க மாநிலம் கூச்பெகர் தொகுதியில் திரிணாமுல் வேட்பாளர் ஜெகதீஷ்சந்திராவிடம் 39 ஆயிரம் ஓட்டு வித்தியாசத்தில் பின்னடைவை சந்தித்தார்.

23. சாந்தனு தாக்கூர்: ஒன்றிய அமைச்சர் சாந்தனு தாக்கூர் மேற்குவங்க மாநிலம் பங்கான் தொகுதியில் 73 ஓட்டுகள் முன்னிலை பெற்றார்.

24: வீரேந்திரகுமார்: ஒன்றிய அமைச்சர் வீரேந்திரகுமார், மபி மாநிலம் திகாம்கார்க் தொகுதியில் 4 லட்சம் ஓட்டு வித்தியாசத்தில் வெற்றி
பெற்றார்.

25. சஞ்சீவ்பல்யாண்: ஒன்றிய கால்நடைத்துறை இணையமைசர் சஞ்சீவ்பல்யாண் முசாபர்நகர் மக்களவைத் தொகுதியில் சமாஜ்வாதி கட்சியின் ஹரேந்திர சிங் மாலிக்கிடம் 24,000 வாக்குகள் வித்தியாசத்தில் தோல்வியடைந்தார்.

You may also like

Leave a Comment

5 × five =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi