Friday, February 23, 2024
Home » சில்லி பாயின்ட்…

சில்லி பாயின்ட்…

by Ranjith

* கேலோ இந்தியா இளைஞர் தொடரின் மகளிர் வாலிபால் போட்டியில் தமிழ்நாடு அணி வெண்கலப் பதக்கம் வென்றது. 3வது இடத்துக்காக குஜராத் அணியுடன் நேற்று மோதிய தமிழ்நாடு 3-0 என்ற நேர் செட்களில் அபாரமாக வென்றது.

* சண்டிகர் அணியுடன் கோவையில் நடந்த ரஞ்சி கோப்பை எலைட் சி பிரிவு லீக் ஆட்டத்தில் தமிழ்நாடு இன்னிங்ஸ் மற்றும் 293 ரன் வித்தியாசத்தில் இமாலய வெற்றியை பதிவு செய்தது. சண்டிகர் 111 மற்றும் 206; தமிழ்நாடு 610/4 டிக்ளேர். சண்டிகர் 2வது இன்னிங்சில் தமிழக தரப்பில் சாய் கிஷோர் 5 விக்கெட், அஜித் ராம் 3, சந்தீப் வாரியர் 1 விக்கெட் வீழ்த்தினர். ஆட்ட நாயகன்: நாராயன் ஜெகதீசன் (321 ரன்). சி பிரிவில் தமிழ்நாடு அணி 4 போட்டியில் 2 வெற்றி, 1 டிரா, 1 தோல்வியுடன் 15 புள்ளிகள் பெற்று முதலிடம் வகிக்கிறது. குஜராத் (13), ரயில்வேஸ் (12) அடுத்த இடங்களில் உள்ளன.

* புதுச்சேரி அணியுடன் நடந்த ரஞ்சி எலைட் டி பிரிவு லீக் ஆட்டத்தில் மத்திய பிரதேசம் 319 ரன் வித்தியாசத்தில் அபாரமாக வென்றது. மத்திய பிரதேசம் 238 மற்றும் 289; புதுச்சேரி 100 மற்றும் 108.

* தென் ஆப்ரிக்காவில் நடக்கும் யு-19 உலக கோப்பை ஒருநாள் போட்டித் தொடரின் ஏ பிரிவில் இந்தியா யு-19 அணி நேற்று அமெரிக்கா யு-19 அணியை எளிதாக வீழ்த்தியது. தொடர்ச்சியாக 3 லீக் போட்டியிலும் வென்ற இந்தியா யு-19 அணி 6 புள்ளிகளுடன் முதலிடம் பிடித்தது. வங்கதேசம் (4 புள்ளி) 2வது இடத்தையும், அயர்லாந்து (2 புள்ளி) 3வது இடத்தையும் பிடித்தன. அமெரிக்கா ஹாட்ரிக் தோல்வியுடன் கடைசி இடம் பிடித்து வெளியேறியது.

* நிர்வாகத்தில் அரசு தலையீடு காரணமாக சஸ்பெண்ட் செய்யப்பட்ட இலங்கை கிரிக்கெட் வாரியம் மீதான தடை நீக்கப்படுவதாக சர்வதேச கிரிக்கெட் கவுன்சில் (ஐசிசி) நேற்று அறிவித்துள்ளது.

You may also like

Leave a Comment

20 + fifteen =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi