டெல்லி: டெல்லி விமான நிலையத்தில் இருந்து புறப்படும் மற்றும் வரும் 60 விமானங்கள் ரத்து செய்யப்பட்டுள்ளது. டெல்லியில் விமானநிலையத்தில் இருந்து புறப்படும் 30 விமானங்களும், வரும் 30 விமானங்களும் ரத்து செய்யப்பட்டது. சர்வதேச விமான சேவைகளில் பாதிப்பு இல்லை என இந்திய விமான நிலைய ஆணையம் தகவல் தெரிவித்தது.
பாகிஸ்தான்: இந்தியா தாக்குதலை நிறுத்தவேண்டும் என பாகிஸ்தான் வெளியுறவு அமைச்சர் இஷாக் டார் அறிவித்துள்ளார். இந்தியா தாக்குதலை நிறுத்தினால், பதற்றத்தை குறைக்க பரிசீலிப்போம்.
ஜம்மு காஷ்மீர்: சர்வதேச நாணய நிதியத்துக்கு ஜம்மு – காஷ்மீர் முதலமைச்சர் உமர் அப்துல்லா கண்டனம் தெரிவித்துள்ளார். பாகிஸ்தானுக்கு ஒரு பில்லியன் டாலர் கடன் வழங்க அனுமதி அளித்ததற்கு உமர் அப்துல்லா கண்டனம் தெரிவித்தார். பாகிஸ்தானுக்கு தொடர்ந்து நிதி வழங்கினால் அந்த நாடு எப்படி போர் பதற்றத்தை நிறுத்தும் என்றும் தெரிவித்தார்.
நன்றி குங்குமம் தோழி
இசை என்பது ஒரு கடல்.அதிலிருந்து வரும் ஒவ்வொரு அலைக்கும் ஒரு ஓசை உண்டு. இசையை பிடிக்காத மனிதர்களே இந்த உலகில் இருக்க முடியாது. எங்கும் இசை எதிலும் இசை. இந்த இசையை மக்கள் ரசிக்கும் வகையில் அமைப்பது ஒரு கலை. அப்படிப்பட்ட இசையினை அமைக்க பல கலைஞர்கள் உள்ளனர். ஆனால் அதே இசையினை மக்கள் கூடும் இடத்தில் அவர்களின் மனசுக்கு ஏற்ப கொடுப்பது என்பது தனிப்பட்ட திறமை என்றுதான் சொல்ல வேண்டும். அவ்வாறு செய்பவர்களை டி.ேஜ என்பார்கள். பெரும்பாலும் இந்தத் தொழிலை ஆண்கள்தான் செய்து வந்தார்கள். அவர்களுக்கு ஈடாக பெண்களும் இந்த துறையில் மாஸ் காட்ட துவங்கி உள்ளார்கள். அதில் ஒருவர்தான் டி.ஜே தியா. தன் துறையில் மிகவும் பிரபலமாக இருக்கும் இவர்… இந்த நிலையை அடைய பல சோதனைகளை கடந்து வந்துள்ளார்.
“என் தாய் மொழி தெலுங்கு என்றாலும், நான் படித்தது, வளர்ந்தது எல்லாமே சென்னையில் தான். கல்யாணம், குழந்தைக்கு பிறகுதான் நான் டி.ஜே. துறைக்கே வந்தேன். அதற்கு முன் பள்ளியில் ஆசிரியராகத்தான் வேலை பார்த்து வந்தேன். ஆனால் குழந்தை பிறந்த பிறகு குழந்தையை பார்த்துக் கொள்ள யாரும் இல்லை என்பதால் என்னால் வேலையை தொடர்ந்து செய்ய முடியவில்ைல. அதனால் வேலையை விட வேண்டிய சூழல் ஏற்பட்டது.
குழந்தை பிறந்த பிறகு நான்கு வருடம் கழித்துதான் நான் டி.ஜேவாக மாறினேன்’’ என்கிறார் தியா.‘‘நான் முன்பு பார்த்து வந்த ஆசிரியர் வேலையில் எந்தப் பிரச்னையும் இல்லை. எல்லாம் நல்லபடியாகத் தான் போய்க்கொண்டிருந்தது. என்னு டைய திறமையை பார்த்து எனக்கு துணை முதல்வராக பதவி உயர்வு கொடுக்க பள்ளி நிர்வாகம் தயாராக இருந்தது. அந்த சமயத்தில் தான் நான் கருவுற்றேன். கொரோனா பாதிப்பும் ஏற்பட்டது. கைக்குழந்தையை பார்த்துக் கொள்ள வீட்டிலும் யாரும் இல்லை.
நான்தான் பார்த்துக் கொள்ள வேண்டும் என்ற சூழல். அதனால் பார்த்த வந்த ஆசிரியர் வேலையை ராஜினாமா செய்தேன். யாருடைய உதவியும் இல்லாமல் வீட்டில் இருந்தபடி குழந்தையை இரவு பகல் பாராமல் பார்த்துக் கொள்வதே எனக்கு மன உளைச்சலை ஏற்படுத்தியது. இந்த நிலையினை எல்லா அம்மாக்களும் சந்திப்பதுதான். அதை கடந்து தான் வரணும். அதற்கு எனக்கு உதவியது இசைதான். எனக்கு பாட்டு கேட்க பிடிக்கும். மேலும் வீட்டில் நான் குழந்தையுடன் இருக்கும் நேரத்தில் பாட்டு கேட்டுக் கொண்டு எல்லா வேலைகளையும் செய்ய ஆரம்பித்தேன். என்னுடைய பொழுதுபோக்கு இசை என்று மாறியது. எப்போதும் வீட்டில் ஏதாவது பாட்டு ஓடிக் கொண்டிருக்கும்.
அதை கேட்டுக் கொண்டே குழந்தை ஒரு பக்கம், வீட்டு வேலைகள் ஒரு பக்கம் என நேரம் போகும். குழந்தை வளர்ந்ததும், வேலைக்கு போக திட்டமிட்ட போது, ஏன் எனக்குப் பிடித்த இசை வழியில் செல்லக் கூடாது என்று தோன்றியது. அதுதான் என்னை டி.ஜே துறையை பற்றி ஆராய்ச்சி செய்யத் தூண்டியது.இது குறித்து என் கணவரிடம் சொன்ன போது அவர் தான் எனக்கு முழு துணையாக இருந்தார். நானும் அவரும் இந்த துறையை பற்றி தெரிந்துகொள்ள அந்த துறையை சேர்ந்தவர்களை சந்தித்துப் பேசினோம்.
இதற்கான பயிற்சியும் மேற்கொண்டேன். அதில் ஒருசிலர் என்னுடைய ஆர்வத்தை அவர்களுக்கு சாதகமாக பயன்படுத்தி ஏமாற்றவும் செய்தார்கள். ஆனாலும் இதில் உண்மையாக இருப்பவர்களும் இருப்பார்கள் என்பதால் என் முயற்சியை கைவிடவில்லை. நண்பர் ஒருவரால் சென்னையில் உள்ள பிரபல ஓட்டலில் டி.ஜே செய்ய வாய்ப்பு கிடைத்தது. அந்த வாய்ப்பு எனக்கு இந்த துறையில் பல விஷயங்களை கற்றுக்கொள்ள உதவியது. சொல்லப்போனால் என்னுடைய டி.ஜே பயணம் அங்கிருந்து தான் ஆரம்பித்தது’’ என்றவர் இந்த துறையில் அவர் சந்தித்த தடைகளை பகிர்ந்தார்.
‘‘மக்களுக்கு ஏற்ற பாடல்களை போட்டு அவர்களை சந்தோஷப்படுத்துவது சாதாரணமான விஷயம் கிடையாது. மக்களை சந்தோஷப்படுத்தும் நாங்க இந்த துறையில் நிறைய அவமானங்களையும் சந்திக்க நேரிடும். அதிலும் குறிப்பாக பெண்கள். அவர்கள் வளர்ந்துவிடக்கூடாது என்று நினைப்பார்கள். சில சமயம் இரவு நேரம் தாமதமாகும். அந்த சமயத்தில் என் கணவர்தான் என் பாதுகாப்புக்காக உடன் வருவார். என் குழந்தையுடன் கூட அதிக நேரம் செலவிட முடியாது.
என்னுடைய இந்த வேலைக்காக என் கணவர் அவரின் தொழிலை விட்டுவிட்டு எனக்கு துணையாக இருந்தார். நிறைய பயணம் செய்தோம். அந்த உழைப்புக்கு பலனாக வாய்ப்பும் வர ஆரம்பித்தது. வாய்ப்பு நம் கதவினை தட்டும் போது நிராகரிக்காமல் பயன்படுத்திக் கொள்ளணும். அதைதான் நானும் செய்தேன். கிளப், பிரைவேட் பார்ட்டி, கார்ப்பரேட் நிறுவனங்கள், கல்யாணம், பிறந்தநாள், கல்லூரிகள் என இன்று பல நிகழ்வுகளை செய்து வருகிறேன்’’ என்றவர் இந்த துறையில் சிறந்த தொழில்முனைவோர் என்ற பட்டத்தை பெற்றுள்ளார்.
‘‘இதுவரை 500க்கும் மேற்பட்ட ஷோக்கள் செய்திருக்கிறேன். பெங்களூரு, திருச்சி, கோவை என நேரமில்லாமல் பல இடங்களுக்கு ஷோக்களை நடத்தி வருகிறேன். என் வளர்ச்சிக்கு மூன்று பேரை தான் சொல்லணும். என் அப்பா, கணவர் மற்றும் என் மகன். இவங்க என் வாழ்க்கையின் மூன்று ராஜாக்கள்னு சொல்லணும். இவர்கள் இல்லாமல் நான் இந்த இடத்திலே இல்லை. டி.ஜே துறையில் பெண்களுக்கு சவால்கள் அதிகம். அனைத்து பெண்களுக்கும் நான் ஒரு எடுத்துக்காட்டாக இருக்க விரும்புகிறேன். எதிர்காலத்தில் டி.ஜே நிறுவனம் ஒன்றை துவங்க வேண்டும். செய்யும் தொழிலே தெய்வம்னு சொல்லுவாங்க. எந்தத் தொழிலாக இருந்தாலும், உண்மையான உழைப்பும் நேர்மையும் இருந்தால் கண்டிப்பாக வெற்றி பெறலாம்’’ என்று புன்னகை பூத்தார் தியா.
தொகுப்பு: ஆனந்தி ஜெயராமன்
பயண உறவுகள்!
குடும்பத்தில் தானே உறவுகள், பயணத்தில் எப்படி உறவுகள் ஏற்படும் என்று நினைக்கலாம். குடும்பத்தில் தலைமுறையினர் வளர வளர, உறவுகளின் எண்ணிக்கையும் அதிகரிக்கும். கொள்ளு தாத்தா-பாட்டி, தாத்தா-பாட்டி இவர்களுக்கு அடுத்து அப்பா-அம்மா. அவர்களின் குழந்தைகள் வளர்ந்து பெரியவர்களாகி, திருமணம் முடிந்தால், மற்றொரு வீட்டிலிருந்தும் உறவுகள் கிடைக்கும். தலைமுறைகள் இப்படியே வளர்ந்து கொண்டிருக்கிறது. இருபது வயதுகளில் திருமணமானவர்கள் தங்கள் கொள்ளு தாத்தா, பாட்டியுடன் கொஞ்சி விளையாடிய காலங்கள் காணாமல் போய்விட்டன.
2000 ஆண்டையொட்டி, அதன் பிறகு பிறந்த குழந்தைகளுக்கு தாத்தா-பாட்டிகளின் அரவணைப்பு கிடைப்பதில்லை என்றுதான் சொல்ல வேண்டும். சிறுபிள்ளைகள், பயம் தெரியாதவர்கள், கள்ளம்-கபடம் இல்லாதவர்கள் என்ற காலம் மாறி மூன்று வயது எல்.கே.ஜி. குழந்தைக்கும் மன அழுத்தம் ஏற்படுகிறது. காரணம், அவர்கள் வளரும் சூழல். முக்கியமாக, பெரியவர்கள் இல்லாமல், தாய்-தந்தையுடன் வளரும் குழந்தைகள் இதனை சந்திக்கிறார்கள்.
கூட்டுக்குடும்பமாக இருக்கும் போது இந்த சூழலை குழந்தைகள் எளிதாக கடந்துவிடுவார்கள். குடும்பத்தில் உள்ளவர்களிடமிருந்து பாசம் கிடைத்துக் கொண்டே இருக்கும், அதனால் சூழலுக்கு ஏற்ப புரிதலையும் தரும். இப்படிப்பட்ட உறவுகள் குடும்பங்கள் மூலம் கிடைக்கப்பெற்றாலும் வேற இடங்களுக்கு பயணம் செய்யும் போது நட்பாக தொடங்கி ஒரு காலக்கட்டத்திற்கு பிறகு உறவுகளாக மாறி இருப்பார்கள்.
நாம் வாழும் காலத்தில் காணப்படும் உறவினர்களைத்தான் நமக்குத் தெரியும். முன்பு மறைந்துவிட்ட உறவினர்களின் பரம்பரையிலிருந்து நம் வயதையொத்தவர்கள், அவர்களுக்குத் தெரிந்தவர்கள் என யாரையாவது சந்திக்க நேரும் பொழுது, மகிழ்ச்சிக்கு அளவிருக்காது. கடல் கடந்து பயணிக்கும் போது அப்படியொரு சந்தர்ப்பம் கிடைத்துவிட்டால் அதுதான் வாழ்நாள் மகிழ்ச்சியாக இருக்கும். எங்கெங்கோ உறவுகள் மறைந்தும், திடீரென தெரியவரும் பொழுது அத்தகைய உறவு மிகவும் சிறப்பானதாகக் கருதப்படுகிறது. கடல் கடந்தால் என்ன, உலகத்தை விட்டேப் போனாலும் சந்ததிகளில் யாராவது அங்கங்கே இருக்கத்தான் செய்கிறார்கள். ஏன் அமெரிக்காவின் ‘கமலா ஹாரிஸ்’ எடுத்துக் கொள்ளுங்கள்.
இளம் வயதில் குடிபெயர்ந்தாலும் குடும்பத்தைச் சேர்ந்த உறவினர்கள் திருவாரூரில் இருக்கவில்லையா? அவர் அமெரிக்காவில் பதவிக்கு வந்ததும், நம் நாடே அதை நினைத்து பெருமைப்பட வில்லையா? பெருமை பேசவும், சிறப்புக்களை எடுத்துரைக்கவும் உறவினர்களால் மட்டுமே சாத்தியம். வெளியிலிருந்து பார்த்துப் பழகினால் மட்டும் ஒருவரின் குணாதிசயங்களை கண்டுபிடிக்க முடியாது. கூட குடும்பத்தில் ஒன்றாகப்பழகி சுக துக்கங்களில் பங்கெடுத்துக் கொள்ளும் பொழுது சில நற்சொற்களை பேசுவதன் மூலம், பிறருக்கு உதவிகள் புரிவதன் மூலம் உறவினர் மனதில் உயர்ந்த இடத்தைப் பிடித்து விடுகிறார்கள்.
நம் பெரியவர்கள் அந்தக் காலத்திலேயே உறவு முறைகளை வளர்ப்பதற்காகவே வாழ்க்கை முறையில் எத்தனையோ யுக்திகளைக் கையாண்டார்கள். குடும்பமாக உல்லாச யாத்திரை மேற்கொண்டார்கள். இடத்தைப் பொறுத்து, எடுத்துச் செல்ல வேண்டியப் பொருட்களை சேகரிப்பார்கள். பிள்ளைகளுக்கு தரக்கூடிய உணவினை வீட்டிலிருந்து தயார் செய்து எடுத்துச் செல்வார்கள். ஒருவரை ஒருவர் புரிந்து கொள்ளும் தன்மை, விட்டுக் கொடுக்கும் தன்மை, பகிர்ந்து உண்ணுதல், பெரியோர் சொல் கேட்டு மதித்து நடத்தல் என அனைத்து குணங்களும் நடைமுறை வாழ்க்கையில் பாசத்தோடு உணர்த்தப்பட்டது.
பக்கத்து ஊர் செல்வதனால் கூட மாட்டு வண்டிகளில் சாப்பாடு கட்டிக் கொண்டு செல்வது தான் பழக்கமாக இருந்தது. இத்தகைய பழக்க வழக்கங்கள் நம் மூதாதையருடன் முடிந்துவிட்டது. அடுத்த தலைமுறையினர் ஒன்றாகச் சேர்ந்து தாய்-தந்தையுடன் குல தெய்வ கோவிலுக்கு செல்வதை வழக்கமாக கொண்டார்கள். வருடம் ஒருமுறை என்றாலும் குடும்பங்கள் கூடி மகிழ்ந்தன. பிள்ளைகள் பாசத்தைக் காட்டிக் கொண்டனர். பயணத்தாலும் உறவுகள் நெருக்கமாக காணப்பட்டது.
இப்போது எல்லோருமே தனிக்குடுத்தனத்தில் இறங்கிவிட்டதால் குடும்பங்கள் சிறிய வட்டத்திற்குள் அடங்கிவிட்டது. உறவுகள் வலுப்பெற கொண்டாடப்படும் பண்டிகைகள் கூட இன்று தனித்துக் கொண்டாட ஆரம்பித்து விட்டோம். அடுத்து வரும் தலைமுறைகளுக்கு நம்மைப் பற்றி மட்டும் தெரியுேம தவிர, நம் முன்ேனார்கள் பற்றி தெரியாமலேயே போய்விடும். அதை நம் அனுபவங்கள் மூலம் சொல்லிக் கொடுப்பது அவசியம். உறவும், நட்பும் இல்லாமல் இவ்வுலகில் யாருமே தனித்து வாழ முடியாது.
தொகுப்பு: சரஸ்வதி ஸ்ரீ நிவாசன்
நன்றி குங்குமம் தோழி
‘‘வாழ்க்கையில் சாதிக்கணும் என்பதுதான் என்னுடைய விருப்பம். அந்தப் பாதையை நோக்கித்தான் நான் ஓடிக் கொண்டிருக்கிறேன்’’ என்கிறார் ஐஸ்வர்யா. இவர் ‘ஐஷுஸ் லேர்னிங் ஸ்பேஸ்’ என்ற பெயரில் குழந்தைகளுக்கு ஃபோனிக்ஸ் மூலம் ஆங்கில வார்த்தைகளை வாசிப்பது, ஆங்கில இலக்கணம் என அனைத்திற்கான பயிற்சியினை ஆன்லைன் மூலமாக அளித்து வருகிறார்.‘‘நான் சென்னைப் பொண்ணு. படிச்சதெல்லாம் இங்கதான். என்னுடைய அம்மா சிங்கிள் பேரன்ட்தான். அப்பா, அம்மாவிற்கும் சில மனஸ்தாபம் என்பதால் பிரிஞ்சிட்டாங்க. அம்மா கஷ்டப்பட்டுதான் எங்களை வளர்த்தாங்க. நான் அரசுப் பள்ளியில்தான் படிச்சேன். அதன் பிறகு கல்லூரியில் சேர்ந்த முதல் வருடத்திலேயே எனக்கு திருமணமானது.
காரணம், அம்மாவுக்கு எந்த சப்போர்ட்டும் இல்லை என்பதால் சொந்தத்தில் வரன் பார்த்து என் பாட்டி திருமணம் முடிச்சாங்க. அவங்க ஊர் காஞ்சிபுரம் என்பதால், திருமணத்திற்குப் பிறகு நான் அங்கு செட்டிலாயிட்டேன். ஆனால் என் கணவர்தான் இன்று வரை எனக்கு முழு ஆதரவு கொடுத்து வருகிறார். படிப்பு முக்கியம் அதை பாதியில் நிறுத்த வேண்டாம் என்று சொன்னவர் என்னை கல்லூரி பட்டப்படிப்பை முடிக்க சொன்னார்’’ என்றவர், பட்டப்படிப்பை முடித்துவிட்டு பள்ளி ஒன்றில் வேலைக்கு சேர்ந்துள்ளார்.
‘‘பள்ளி வேலையை நான் தேர்வு செய்ய காரணம், குழந்தைகளையும் பார்த்துக் கொண்டு என்னால் வேலையும் செய்ய முடியும் என்பதால்தான். பள்ளி வேலைகள் அனைத்தும் நான் கற்றுக் கொண்டேன். என் அம்மாவிற்கு நான் நிறைய படிக்க வேண்டும் என்று விருப்பம். அதனால் அரசுத் தேர்வுகளை எழுதினேன். குழந்தையை அம்மாவிடம் விட்டுவிட்டு தேர்வு எழுத செல்வேன். பயணம் காரணமாக குழந்தைக்கும் அடிக்கடி உடம்பு சரியில்லாமல் போனது. அதனால் என்னால் வேலையில் முழுமையாக ஈடுபட முடியவில்லை.
அரசு வேலை வேண்டாம் என்று முடிவு செய்து ஆரம்பப் பள்ளி ஒன்றில் ஒருங்கிணைப்பாளராக வேலைக்கு சேர்ந்தேன். அந்த சமயத்தில் கோவிட் பாதிப்பு ஏற்பட்டது. சம்பளமும் பாதியானது. வீட்டில் சும்மா இருக்கப் பிடிக்காமல் எனக்கு தெரிந்ததை ஆன்லைனில் செய்ய விரும்பினேன். அதன் முதல் அத்தியாயமாக ஃபோனிக்ஸ் முறைக்கான பயிற்சி மேற்கொண்டேன். அதற்கு காரணம் என் குழந்தை. அவள் வார்த்தைகளை படிக்க மிகவும் சிரமப்பட்டாள். அவளுக்கு வார்த்தைகளை எளிதாக படிக்க ஆங்கில எழுத்துக்களை ஃபோனிக்ஸ் முறையில் சொல்லிக் கொடுக்க வேண்டும் என்பதால் நான் அதற்கான பயிற்சி எடுத்தேன். அவளிடம் நல்ல மாற்றம் தெரிந்தது.
அப்போது என் குழந்தை போல் மற்ற குழந்தைகளும் வார்த்தைகளை படிக்க சிரமப்படலாம். அதற்கான பயிற்சியினை ஆன்லைனில் அளித்தால் என்ன என்று தோன்றியது. மேலும் கோவிட் என்பதால் ஆன்லைன் பிளாட்ஃபார்ம் எனக்கு மிகவும் பயனுள்ளதாக அமைந்தது. உடனே இணையத்தில் ரூ.300க்கு ஃபோனிக்ஸ் வர்க்ஷாப் குறித்து செய்தியை வௌியிட்டேன். பத்து பேர் சேர்ந்தாங்க. என்னுடைய பயிற்சிக்கு ‘ஐஷுஸ் லேர்னிங் ஸ்பேஸ்’ என்று பெயர் வைத்தேன்.
இது முழுக்க முழுக்க ஆன்லைன் பிளாட்ஃபார்ம் என்பதால், ெபற்றோர்களும் வீட்டில் குழந்தைகளை ஏதாவது ஒரு பயிற்சியில் ஈடுபடுத்த விரும்பினாங்க. ஒரு பேட்சில் ஐந்து மாணவர்கள் என்பதால், காலை முதல் இரவு வரை வரிசையாக தனித்தனி பேட்சாக பயிற்சியினை ஆரம்பிச்சேன். கொஞ்சம் கொஞ்சமாக உறவினர்கள், நண்பர்கள் மூலம் என் பயிற்சி குறித்து தெரிய வந்தது. அதனைத் தொடர்ந்து வெளிநாட்டில் இருந்தும் மாணவர்கள் சேர்ந்தார்கள். அவர்களின் நேரத்திற்கு ஏற்பவும் பயிற்சி அளித்தேன். இந்தோனேஷியா, மலேசியா, சிங்கப்பூர் என 250க்கும் மேற்பட்ட பசங்களுக்கு பயிற்சி அளித்து வருகிறேன்’’ என்றவர், அவரின் பாடத்திட்டங்களுக்கு ஏற்ப தன்னை அவ்வப்போது அப்கிரேடும் செய்து ெகாள்கிறார்.
‘‘நான் ஃபோனிக்ஸ் மட்டுமில்லாமல், லைஃப் கோச்சுக்கான பயிற்சியும் எடுத்தேன். இப்போது குழந்தைகள் மட்டுமில்லை, ஆசிரியர்கள் மற்றும் பெற்றோர்களும் என்னிடம் பயிற்சி பெற வராங்க. எனக்கு சொல்லிக் கொடுக்க பிடிக்கும். அதனால் இப்ப நான் பல அரசுப் பள்ளிகளுக்கு ேநரடியாக சென்று பயிற்சி அளிக்கிறேன். மேலும் மாணவர்களுக்குத் தேவையான ஃபிளாஷ் கார்டுகளையும் தயார் செய்து தருகிறேன்.
இந்த ஃபிளாஷ் கார்டுகளை நானே தயார் செய்து என் பயிற்சிக்காக பயன்படுத்தினேன். ேகாவிட் காலத்தில் எல்லாமே ஆன்லைன் என்பதால், வசதியில்லாத மாணவர்களால் அதனை பயன்படுத்திக் கொள்ள முடியவில்லை. அவர்களுக்குப் பயிற்சி அளிக்குமாறு பள்ளி ஒன்றின் தலைமை ஆசிரியர் கேட்டுக் கொண்டார். அதன் பேரில் அந்தக் குழந்தைகளுக்கு இலவசமாக பயிற்சி அளித்தேன்.
ஃபிளாஷ் கார்டுகளை நான் பயன்படுத்துவதைப் பார்த்து வேறொரு பள்ளியின் தலைமை ஆசிரியர் அவர்களின் மாணவர்களுக்கு இதனை ரெடி செய்து தர சொல்லிக் கேட்டார். நான் ஃபிளாஷ்கார்டுகளை கடைகளில் வாங்குவதில்லை. என்னுடைய பயிற்சிக்கு ஏற்ப நானே வீட்டில் தயார் செய்கிறேன். அதை தெரிந்து கொண்டு அவர் கேட்டதால், அவருக்கு செய்து கொடுத்தேன். அவருக்கு பிடித்துப்போக, அவர் மூலம் பத்து பள்ளியில் இருந்து ஆர்டர் வந்தது. தொடர்ந்து பள்ளி ஆசிரியர்களுக்கு பயிற்சியும் அளிக்க ஆரம்பிச்சேன். இதனைத் தொடர்ந்து மாணவர்களுக்கான ஆங்கில இலக்கண புத்தகங்களை தயார் செய்து வருகிறேன். அதனை இந்த வருடம் பிரசுரிக்க இருக்கிறேன்’’ என்றவர், இந்த நிலைக்கு வர மிகவும் கஷ்டப்பட்டுள்ளார்.
‘‘நான் இந்த வேலையில் சேர்ந்த போது பலரும் என்னை கிண்டல் செய்தாங்க. ‘படிச்சிட்டு ABCD தானே சொல்லித்தர… உனக்கு வேற வேலையே இல்லையா’ன்னு கேட்டவர்களும் இருக்காங்க. அவங்களுக்கு நான் சாதிக்காமல் இருந்திருக்கலாம். ஆனால் என்னைப் பொறுத்தவரை இது ஒரு பெரிய சாதனைதான். காரணம், இந்தத் தொழில் மூலமாகத்தான் நான் வளர்ந்திருக்கிறேன். எனக்கான அடையாளத்தினை ஏற்படுத்தி இருக்கிறேன்.
பெண்களுக்கு நான் சொல்வது ஒன்றுதான்… உங்களுக்கு தெரிந்த கலையை தொழிலா மாற்றுங்க. வீட்டில் இருந்தபடியே டியூஷன் எடுக்கலாம். 30 பேர் இல்லாமல் பத்து பேர் என பல பேட்சுகளில் டியூஷன் எடுக்கலாம். மேலும் ஆன்லைன் முறையில் வெளிநாட்டில் உள்ள மாணவர்களுக்கும் சொல்லிக் கொடுக்கலாம். பெண்கள் வீட்டில் இருந்தபடியே சம்பாதிக்க நிறைய வாய்ப்புகள் இருக்கு. அதுகுறித்த விழிப்புணர்வும் வார இறுதி நாட்களில் நான் கொடுத்து வருகிறேன்’’ என்றவர், ஃபோனிக்ஸ் முறையை பற்றி விவரித்தார்.
‘‘வார்த்தையில் உள்ள எழுத்துக்களை ஒலி மூலம் இணைத்து படிப்பதுதான் ஃபோனிக்ஸ். ஆங்கில வார்த்தைகளை எளிய முறையில் படிக்க உதவும் ஒரு வித கருவி. குழந்தைகளால் எவ்வளவு வார்த்தைகளின் ஸ்பெல்லிங்கை மனப்பாடம் செய்து நினைவில் வைத்துக் கொள்ள முடியும். ஆனால் ஒலி மூலம் அதை எளிதாக அவர்கள் மனதில் பதிய வைக்கலாம். எவ்வளவு பெரிய வார்த்தைகளாக இருந்தாலும் எளிதில் படித்திடுவார்கள். வார்த்தையில் ஆரம்பித்து ஒரு வரி, ஒரு முழு பத்தியும் படிக்க துவங்குவார்கள்.
தற்போது ஆன்லைன் முறையில்தான் பயிற்சி அளிக்கிறேன். அடுத்து குழந்தைகளுக்கு கம்யூனிகேஷன் சார்ந்து பயிற்சி பள்ளி ஒன்றை துவங்க வேண்டும். அங்கு வரும் குழந்தைகள் ஆங்கிலத்தை எளிதாக படிக்கவும், எழுதவும் பயிற்சி அளிக்க வேண்டும். ஆங்கிலம் மட்டுமில்லாமல் ஹிந்திக்கான பயிற்சியும் கொடுக்க இருக்கிறேன். கம்யூனிகேஷன் பள்ளி போல் கொண்டு வரணும். குறிப்பாக என்னுடைய கிராமப் பிள்ளைகளின் ஆங்கில மொழியின் ஃபவுண்டேஷன் ஸ்ட்ராங்காக இருக்கணும் என்பதுதான் என் எதிர்கால கனவு’’ என்றார் ஐஸ்வர்யா.
தொகுப்பு: ஷன்மதி
வாஷிங்டன்: சீன இறக்குமதி பொருள்கள் மீதான 145% கூடுதல் வரி விதிப்பை 80% ஆக குறைப்பது குறித்து டிரம்ப் பரிசீலனை செய்து வருகிறார். தற்போதைய சூழலில் சீன பொருள்கள் மீது 80% வரிவிதிப்பே போதுமானது என்று தோன்றுகிறது. சீனா தனது சந்தையை உலகத்துக்கு திறந்துவிட வேண்டும்; மூடிய பொருளாதாரம் இனியும் பயனளிக்காது என்றும் தெரிவித்தார்.
டெல்லி: பாகிஸ்தான் தீவிரவாதிகள் மீண்டும் தாக்குதல் நடத்தினால் இனி போராக கருதப்படும் என இந்தியா அறிவித்துள்ளது. பிரதமர் மோடி தலைமையில் நடைபெற்ற உயர்மட்ட கூட்டத்தில் முடிவு எடுக்கப்பட்டுள்ளதாக தகவல் வெளியாகி உள்ளது. மீண்டும் தீவிரவாத தாக்குதல் நடத்தப்பட்டால் தக்க பதிலடி கொடுக்கப்படும் என்றும் தெரிவித்தது.
திருவண்ணாமலை: சித்ரா பௌர்ணமியையொட்டி திருவண்ணாமலை கோயில் பகுதிகளில் வெடிகுண்டு நிபுணர்கள் சோதனை நடத்தி வருகின்றனர். திருவண்ணாமலை மத்திய பேருந்து நிலையம், 20 தற்காலிக பேருந்து நிலையங்கள், கிரிவலப் பாதையில் சோதனை நடைபெற்று வருகிறது. சித்ரா பௌர்ணமி நாளை தொடங்கவுள்ள நிலையில் 25 லட்சம் பக்தர்கள் வருகை தருவர் என எதிர்பார்க்கப்படுகிறது.
ஜம்மு காஷ்மீர்: ஜம்முவில் ஆர்.எஸ்.புராவில் பாகிஸ்தான் நடத்திய தாக்குதலில் எல்லை பாதுகாப்பு வீரர்கள் 8 பேர் காயம் அடைந்துள்ளனர். ஆர்.எஸ்.புராவில் பாகிஸ்தான் நடத்திய குண்டுவீச்சு தாக்குதலில் 8 எல்லை பாதுகாப்பு வீரர்கள் காயம் அடைந்தனர். பாகிஸ்தான் அத்துமீறி தாக்குதல் நடத்தியதில் எல்லை பாதுகாப்பு படை வீரர்கள் காயம் அடைந்தனர்.
Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.
@2024-2025 – Designed and Developed by Sortd.Mobi
