Francis

சென்னை: ஜூன் 21ம் தேதி சர்வதேச யோக தினம் கொண்டாடப்படுகிறது. இந்த ஆண்டு 11வது சர்வதேச யோகா தினம். இந்த ஆண்டுக்கான கருப்பொருள், ‘ஒரே பூமி, ஒரே ஆரோக்கியத்திற்கான யோகா’. இந்த ஆண்டு தமிழ்நாடு ஆளுநர் மாளிகை, சென்னை அண்ணா பல்கலைக்கழகத்துடன் இணைந்து, 2025 சர்வதேச யோகா தின நிகழ்விற்காக நிறுவனங்கள், மையங்கள், அமைப்புகள், நிர்வாக துறைகள் உட்பட பல்வேறு துறைகளிலும் பரவலான பங்கேற்பை செயல்படுத்த, ஒரு பிரத்யேக இணையவழி சேவையை தொடங்கியுள்ளது. யோகா பயிற்சிக்கான முனைய மையங்களாக பணியாற்ற விரும்பும் மையங்கள், நிறுவனங்கள், பங்கேற்பாளர் விவரங்களை, இணையவழி வாயிலாக பதிவு செய்து கொள்ளலாம்.

தனிப்பட்ட யோகா ஆர்வலர்கள் இணையவழி வாயிலாக பங்கேற்பாளர் முனையம் மூலம் பதிவு செய்து பங்கேற்கலாம். சிறப்பாகச் செயல்படும் முனைய மையங்கள், நிபுணர்கள் அடங்கிய ஒரு தனிப்பட்ட குழுவால் தேர்ந்தெடுக்கப்பட்டு, சென்னை ஆளுநர் மாளிகையில் நடைபெறும் விழாவில் தமிழ்நாடு ஆளுநரால் பாராட்டப்படுவார்கள். விருப்பம் உள்ளவர்கள் https://events.annauniv.edu/ இணையதள பக்கத்தில் சென்று தங்களை இணைத்துக்கொள்ளலாம். கூடுதல் விவரங்களுக்கு 91-7010257955, 044-22357343, 044-22351313 எண்களை தொடர்பு கொள்ளலாம்.

சென்னை: உச்சநீதிமன்ற நீதியரசர் எம்.எம்.சுந்தரேஷ் தந்தையும், மூத்த வழக்கறிஞருமான வி.கே.முத்துசாமி மறைவுக்கு தமிழ்நாடு முதல்வர் மு.க.ஸ்டாலின் இரங்கல் தெரிவித்துள்ளார். முதல்வர் மு.க.ஸ்டாலின் வெளியிட்ட இரங்கல் அறிக்கை: உச்சநீதிமன்ற நீதியரசர் எம்.எம். சுந்தரேஷ் தந்தையும், மூத்த வழக்கறிஞருமான வி.கே.முத்துசாமி மறைந்த செய்தியறிந்து மிகுந்த துயருற்றேன்.

வளர்த்து ஆளாக்கி, அவையத்து முந்தி இருப்பச் செய்த அருமைத் தந்தையினை இழந்து தவிக்கும் நீதியரசர் சுந்தரேஷ்க்கும் அவரது குடும்பத்தினருக்கும் எனது ஆழ்ந்த இரங்கலையும் ஆறுதலையும் தெரிவிக்கிறேன், என கூறியுள்ளார்.

வத்திராயிருப்பு: விருதுநகர் மாவட்டம், வத்திராயிருப்பு அருகே மலையடிவாரம் தாணிப்பாறை பகுதியில் சர்வேஸ்வரர் கோயில், தியான நிலையம் அமைந்துள்ளது.இக்கோயிலில் அதிமுக முன்னாள் அமைச்சர் ராஜேந்திர பாலாஜி நேற்று முன்தினம் இரவு 10.30 மணியளவில் தியான நிலையத்தில் ஆழ்ந்த தியானத்தில் நள்ளிரவு வரை ஈடுபட்டார். பின்பு கோயிலில் சிறப்பு தரிசனம் செய்தார். அவர் எடப்பாடி முதல்வராக தியானத்தில் ஈடுபட்டதாக
கட்சியினர் தெரிவித்தனர்.

FormerAIADMKminister-suddenlymeditates-midnight-mountainsidetemple-Thaniparai

மதுரை: நெல்லையை சேர்ந்தவர் நெல்லை சு.முத்து (74). கேரள மாநிலம் திருவனந்தபுரம் இந்திய விண்வெளி ஆய்வு மையத்தில் விஞ்ஞானியாக பணியாற்றினார். மறைந்த முன்னாள் ஜனாதிபதியும், அணு விஞ்ஞானியுமான அப்துல் கலாமுடன் பணியாற்றியுள்ளார். அறிவியல், விண்வெளி தொடர்பாக இவர் ஏராளமான நூல்கள் மற்றும் கட்டுரைகள் எழுதியுள்ளார். இவரது 4 புத்தகங்களுக்கு தமிழ்நாடு அரசு சிறந்த நூலுக்கான விருதை வழங்கியுள்ளது.
பணி ஓய்விற்கு பின் சு.முத்து திருவனந்தபுரம் மண்விளையில் உள்ள வீட்டில் தனியாக வசித்து வந்தார். நேற்று முன்தினம் பிற்பகலுக்கு பின்னர் இவரது வீடு திறக்கப்படவில்லை. பக்கத்துவீட்டினர் கதவைத் தட்டியும் திறக்கவில்லை. மதுரையில் உள்ள அவரது மகளான டாக்டர் கலைவாணிக்கு தெரிவித்தனர். அவர் ெசல்போனுக்கு தொடர்பு ெகாண்டும் எடுக்காததால் கதவை உடைத்து பார்க்குமாறு கூறியுள்ளார்.

இதையடுத்து கதவை உடைத்து பார்த்தபோது முத்து, குளியலறை அருகே கீழே விழுந்து இறந்த நிலையில் கிடந்தார். இதுகுறித்து ஸ்ரீகாரியம் போலீசுக்கு தகவல் தெரிவிக்கப்பட்டது. போலீசார் விரைந்து சென்று அவரது உடலை கைப்பற்றி பிரேதப் பரிசோதனைக்காக திருவனந்தபுரம் அரசு மருத்துவக் கல்லூரி மருத்துவமனைக்கு அனுப்பி வைத்தனர். பிரேதப் பரிசோதனைக்குப் பின் திருவனந்தபுரம் தமிழ்ச் சங்கத்தில் சு.முத்துவின் உடல் இறுதி அஞ்சலிக்காக வைக்கப்பட்டது. தமிழ்ச்சங்க புரவலர் பி.ஆர்.எஸ்.முருகன், தலைவர் முத்துராமன் உள்பட ஏராளமானோர் இறுதி அஞ்சலி செலுத்தினர். அதன்பின் உடல் மதுரை கலைநகரில் உள்ள மகள் டாக்டர் கலைவாணியின் வீட்டுக்கு நேற்று இரவு வந்தது. இன்று இறுதிச் சடங்கு நடக்கிறது.

மறைந்த நெல்லை சு.முத்துவுக்கு மரகதம் என்ற மனைவியும், ஒரு மகனும், ஒரு மகளும் உள்ளனர். முதல்வர் இரங்கல் செய்தி: முதல்வர் மு.க.ஸ்டாலின் விடுத்துள்ள இரங்கல் செய்தியில், இஸ்ரோ முன்னாள் அறிவியலாளர் மற்றும் எழுத்தாளர் நெல்லை சு.முத்து மறைந்த செய்தியறிந்து வேதனையுற்றேன். இந்தியாவுக்கு பெருமை சேர்த்து, தமிழ்மொழிக்கு வளம் சேர்த்து வாழ்ந்து மறைந்துள்ள நெல்லை சு.முத்துவை இழந்து வாடும் குடும்பத்தினருக்கு எனது ஆழ்ந்த இரங்கலை தெரிவித்துக் கொள்கிறேன் என கூறியுள்ளார்.

கோவை: தூத்துக்குடி மாவட்டம் பெரியதாழை அருகே சுமார் 20 அடி உயர குட்டையான பனை மரத்தை தேர்வு செய்து, முன்கூட்டியே மிகவும் பாதுகாப்பாக பலமான கயிறுகளால் உருவாக்கப்பட்டிருந்த ஏணிப்படிக்கட்டுகளில் விறு விறுவென ஏறி, ஏற்கனவே தயாராக வைக்கப்பட்ட ‘கள்’ளை இறக்கி, அங்கேயே ‘கள்’ குடித்து, போராட்ட ஷூட்டிங்கை சீமான் வெற்றிகரமாக முடித்திருக்கிறார். ‘கள்’ மற்றும் சாராயம் போன்ற போதைப்பொருட்களில் கலப்படம் உள்ளிட்ட பல தவறுகள் நடப்பதால் பல உயிரிழப்புகள் ஏற்படும் என்பதால்தான் தடை செய்யப்பட்டுள்ளது.

இதை அறியாமல், சட்ட விரோதமாக நடந்த ‘கள்’ இறக்கும் போராட்டத்தை சீமான் நடத்தியுள்ளார். ‘கள் இறக்குவோரை’ கைது செய்தால் காவல் நிலையம் உடைத்தெறியப்படும் என அரிவாளை தூக்கி காட்டுகிறார், சீமான். சட்ட விதிமுறைகளை மீறி ‘கள்’ இறக்கியதுடன், அரிவாளை தூக்கிக்காட்டி காவல்துறைக்கு கொலை எச்சரிக்கை செய்த சீமான் மற்றும் அவரது ஆதரவாளர்கள் மீது 24 மணி நேரத்திற்குள் உரிய வழக்கு பதிந்து, கைது செய்ய வேண்டும். இல்லையேல், போராட்டம் வெடிக்கும். இவ்வாறு கூறியுள்ளார்.

தேன்கனிக்கோட்டை: கிருஷ்ணகிரி மாவட்டம், தேன்கனிக்கோட்டையில் தவாக பொதுக்கூட்டத்தில் நிறுவனத் தலைவர் வேல்முருகன் எம்எல்ஏ பேசியதாவது: நானா தற்குறி?. ஸ்கிரிப்ட் எழுதி 100 பசங்களை வரவழைத்து, செலக்ட் பண்ணி அவர்களை பேச வைக்கிறீர்கள். எந்த நடிகர்களாக இருந்தாலும், தமிழ் சமூகத்திற்கு ஆற்றிய பங்களிப்பு என்ன? வேல்முருகன் ஆற்றிய பங்களிப்பு என்ன? ஒரே மேடையில் விவாதிக்க தயாராக இருக்கிறேன். போராளிகளை பற்றி பொறுக்கிகளிடம் கேட்காதீர்கள். போக்கிரிகளிடம் கேட்காதீர்கள். ரஜினியை விட நீ பெரிய கொம்பனா? அள்ளி அள்ளி கொடுத்தவர் விஜயகாந்த்.

தமிழ்நாட்டில் பாலா என்கிற துணை நடிகர் ஒருவர், தான் சம்பாதித்த பணத்தை மக்களுக்கு வீடுகள் கட்டி, ஆம்புலன்ஸ் வாங்க உதவி புரிந்து வருகிறார். அவர் சூட்டிங் நடத்துவதில்லை. ஷோ நடத்துவதில்லை. அகரம் பவுண்டேஷன் ஷோ மற்றும் சூட்டிங் நடத்துவதில்லை, ராகவா லாரன்ஸ் தான் சம்பாதித்த பணத்தை, முதியோர் இல்லங்கள், ஆசிரமங்களுக்கு வழங்கி வருகிறார். அவர் ஷோ நடத்தவில்லை. அரசியலுக்கு வாங்க, மக்களோடு நில்லுங்க. நீங்கள் எல்லாம் 10,12வது படிக்கும் மாணவர்களுக்கு பரிசு கொடுத்து வருகிறீர்கள். இவ்வாறு அவர் பேசினார்.

திண்டிவனம்: திண்டிவனம் அடுத்த தைலாபுரத்தில் பாமக நிறுவனர் ராமதாஸ், 2வது நாளாக தென் மாவட்ட நிர்வாகிகளுடன் ஆலோசனை நடத்தினார். அப்போது நான் தான் உங்களை பதவியில் நியமித்துள்ளேன். எனவே யாரும் உங்களை மாற்ற முடியாது, நீங்கள் ஒன்றிய, நகர நிர்வாகிகளை நியமித்து கட்சிப்பணிகளை ேமற்கொள்ளுங்கள் என தடாலடியாக பேசியுள்ளார். பாமகவில் தந்தை ராமதாஸ், மகன் அன்புமணி இடையிலான மோதல் முடிவுக்கு வராத நிலையில் இருவரும் தனித்தனியாக நிர்வாகிகளுடன் ஆலோசனை கூட்டங்களை நடத்தி வருகின்றனர். திருவள்ளூர் மாவட்ட நிர்வாகிகளுடன் அன்புமணி நேற்று முன்தினம் ஆலோசனை மேற்கொண்ட நிலையில் தைலாபுரத்தில் வட மாவட்டங்களை சேர்ந்த பாமக நிர்வாகிகளுடன் நிறுவனர் ராமதாஸ் ஆலோசனை மேற்கொண்டார்.

இதில் 42 மாவட்ட செயலாளர்கள் உள்ளிட்ட முக்கிய பொறுப்பாளர்கள் பங்கேற்றனர். பின்னர் கட்சியின் பொதுச்செயலாரான வடிவேல் ராவணனை நீக்கி, முரளி சங்கரை புதிதாக அப்பதவிக்கு நியமித்து உத்தரவிட்ட ராமதாஸ், 16ம்தேதி தென் மாவட்ட நிர்வாகிகளுடன் ஆலோசனை நடத்த இருப்பதாக கூறப்பட்டது. அதன்படி திண்டிவனம் அடுத்த தைலாபுரம் தோட்டத்தில் 2வது நாளாக பாமக மாவட்ட செயலாளர்கள் மற்றும் பொறுப்பாளர்களுடன் பாமக நிறுவனர் ராமதாஸ் நேற்று ஆலோசனை நடத்தினார். இதில் நாமக்கல், ஈரோடு, திருப்பூர், கோவை, கும்பகோணம் உள்ளிட்ட 32 தென் மாவட்ட செயலாளர்களுக்கு அழைப்பு விடுக்கப்பட்டிருந்த நிலையில் 30 பேர் கலந்து கொண்டனர். மாவட்ட தலைவர்களில் 23 பேருக்கு அழைப்பு விடுக்கப்பட்டு 21 பேர் பங்கேற்றனர்.

மீதி உள்ள மாவட்ட செயலாளர்கள் மாவட்ட தலைவர்கள் தொலைபேசி மூலம் ராமதாஸ் இடம் ஏன் வரவில்லை என்ற தகவல் தெரிவித்துள்ளார். முதல் கூட்டத்தில் ஆலோசித்ததை போன்று, பூம்புகாரில் ஆகஸ்ட் 10ல் நடைபெறும் மகளிர் சங்க மாநாடு, பொதுக்குழு கூட்டுவதற்கான நடவடிக்கைகள் தொடர்பாக நிர்வாகிகளிடம் ராமதாஸ் பேசியதாக கூறப்படுகிறது. மேலும் உங்களை பதவியில் நான்தான் நியமித்துள்ளேன். யாராலும் உங்களை மாற்ற முடியாது. நிரந்தர மாவட்ட செயலாளர்கள், மாவட்ட தலைவர்கள் நீங்கள்தான். தொடர்ந்து கட்சிப் பணியை செய்து வாருங்கள், பொதுக்குழு கூட்டத்தை கூட்டி, ஒன்றிய, நகர நிர்வாகிகளை நியமனம் செய்யுங்கள் என ராமதாஸ் உத்தரவிட்டதாகவும் அக்கட்சி வட்டாரங்கள் தெரிவிக்கின்றன.

கூட்டத்தின் முடிவில் நிர்வாகிகளுக்கு விருந்து அளிக்கப்பட்டது. நேற்றைய கூட்டத்திலும் வன்னியர் சங்க தலைவர் பு.தா.அருள்மொழி, பாமக கவுரவத் தலைவர் ஜி.கே.மணி, தலைமை நிலைய செயலாளர் அன்பழகன், பொருளாளர் சையது மன்சூர், புதிய பொதுச்செயலாளராக பொறுப்பேற்ற முரளி சங்கர், பாட்டாளி தொழிற்சங்க செயலாளர் ராம முத்துக்குமார், ஆகியோர் கலந்து கொண்டனர். தொடர்ந்து இன்றும் (17ம்தேதி) பாமக நிர்வாகிகளை சந்திக்க ராமதாஸ் திட்டமிட்டுள்ளார். ஏற்கனவே பொதுவெளியில் ராமதாசிடம், அன்புமணி மன்னிப்பு கேட்ட நிலையில் இது சற்று ஆறுதல் அளிப்பதாக அக்கட்சி நிர்வாகிகள், தொண்டர்கள் கருத்து தெரிவித்துள்ளது குறிப்பிடத்தக்கது.

உடுமலை: அரசு மருத்துவமனையில் நோயாளிக்கு துப்புரவு தொழிலாளி சிகிச்சையளித்ததாக சமூக வலைத்தளங்களில் வீடியோ பரவிய நிலையில், போதிய மருத்துவ பணியாளர்களை நியமிக்க வேண்டும் என்று கோரிக்கை விடுக்கப்பட்டுள்ளது. திருப்பூர் மாவட்டம் உடுமலை அருகே மடத்துக்குளம் நால்ரோடு பகுதியில் அரசு மருத்துவமனை உள்ளது. தாலுகா மருத்துவமனையான இங்கு போதிய டாக்டர்கள் மற்றும் மருத்துவ பணியாளர்கள் இல்லாததால் உரிய நேரத்தில் மருத்துவ சிகிச்சை பெறுவதில் சிரமம் ஏற்படுவதாக தொடர்ந்து புகார் தெரிவிக்கப்பட்டு வருகிறது. குறிப்பாக, இரவு நேரங்களில் அவசர சிகிச்சை கிடைப்பதில்லை என்று கூறப்படுகிறது. கடந்த சில தினங்களுக்கு முன், காலில் ஏற்பட்ட காயத்துக்கு சிகிச்சை பெறுவதற்காக மடத்துக்குளம் அரசு மருத்துவமனைக்கு வாலிபர் ஒருவர் நள்ளிரவு சென்றுள்ளார்.

அப்போது, காயத்தை சுத்தம் செய்து கட்டுப்போடும் பணியை பெண் தூய்மை பணியாளர் ஒருவர் செய்ததாக கூறப்படுகிறது. இதுதொடர்பான வீடியோ சமூக வலைதளங்களில் வைரலாகி உள்ளது. இதுபற்றி சமூக ஆர்வலர்கள் கூறுகையில்,“ஏழை, எளியவர்கள் மருத்துவ சிகிச்சைக்காக நம்பியுள்ள அரசு மருத்துவமனையில் இதுபோன்ற சம்பவம் வேதனையளிப்பதாக உள்ளது. எனவே, அரசு மருத்துவமனையில் காலியாக உள்ள டாக்டர், நர்ஸ், இரவு காவலர் உள்ளிட்ட பணியிடங்களை நிரப்ப வேண்டும். விபத்து கால எலும்பு முறிவு உள்ளிட்ட அவசர சிகிச்சை வசதிகளை உருவாக்கி உயிரிழப்புகளை தடுக்க நடவடிக்கை எடுக்க வேண்டும்” என்றனர். இதுகுறித்து நர்சு ஒருவர் கூறுகையில்,“காலில் ஏற்கனவே போடப்பட்டிருந்த கட்டை மட்டும்தான் துப்புரவு பணியாளர் கத்தரிக்கோல் மூலம் அகற்றினார். பின்னர் நாங்கள்தான் சுத்தப்படுத்தி, மருந்து போட்டு மீண்டும் கட்டுபோட்டோம். துப்புரவு பணியாளர் பழைய கட்டை அகற்றுவதை மட்டும் வீடியோ எடுத்து பரப்பியுள்ளனர்” என்றார்.