கடலூர் ரயில் விபத்து சம்பவத்தில் கைதான கேட் கீப்பர் உட்பட 11 பேரிடம் தனித்தனியே விசாரணை நடைபெற்று வருகிறது. திருச்சி ரயில்வே கோட்ட மூத்த துணை பாதுகாப்பு அதிகாரி மகேஸ்குமார் தலைமையில் விசாரணை. விபத்து நடப்பதற்கு முன் கொடுக்கப்பட்ட தகவல்கள், விபத்து நடந்ததும் வந்த முதல் தகவல் குறித்து விசாரணை நடைபெறுகிறது.
நீதிமன்ற அவமதிப்பு வழக்கில் சென்னை மாநகராட்சி ஆணையர் குமரகுருபரன் ஐகோர்ட்டில் ஆஜரானார். சென்னையில் விதிமீறல் கட்டடங்கள் மீது நடவடிக்கை எடுக்கத் தவறிய வழக்கில் குமரகுருபரசன் ஆஜர். உயர் நீதிமன்ற தலைமை நீதிபதி ஸ்ரீராம், நீதிபதி சுந்தர் மோகன் முன்பு குமரகுருபரன் ஆஜரானார்.
ருத்ராட்ச மாலை தருவதாக ஏமாற்றி இளம்பெண்ணை பலாத்காரம் செய்த அர்ச்சகர் மீது வழக்குப் பதிவு செய்யப்பட்டுள்ளது. பள்ளிக்கரணையைச் சேர்ந்த அர்ச்சகர் பாரதி(39) மீது வடபழனி மகளிர் போலீசார் வழக்குப் பதிவு. தீய சக்திகளை அழிக்க சக்தி ஊட்டப்பட்ட ருத்ராட்ச மாலை வழங்குவதாக ஏமாற்றி பலாத்காரம் செய்துள்ளார்.
மேட்டூர் அணைக்கு வரும் தண்ணீரின் அளவு விநாடிக்கு 42,250 கன அடியாக நீடிக்கப்பட்டுள்ளது. மேட்டூர் அணையின் நீர்மட்டம் 120 அடி; நீர் இருப்பு 93.47 டிஎம்சியாக உள்ளது. டெல்டா பாசனத்துக்கு 22,100 கனஅடி, 16 கண் மதகு வழியாக 19,900 கனஅடி நீர் வெளியேற்றம். மேட்டூர் அணையில் இருந்து கிழக்கு, மேற்கு கால்வாய் வழியாக 250 கனஅடி நீர் வெளியேற்றப்பட்டுள்ளது.
5 ஆண்டுகளில் 1,000 புதிய ரயில்களை அறிமுகம் செய்ய இந்திய ரயில்வே திட்டம் என ரயில்வே அமைச்சர் அஸ்வினி வைஷ்ணவ் தெரிவித்துள்ளார். கடந்த 11 ஆண்டுகளில் 35,000 கி.மீ. தூரத்துக்கு ரயில் பாதைகள் அமைக்கப்பட்டுள்ளன. இது ஜெர்மனியின் ஒட்டுமொத்த ரயில் பாதைகளுக்கு சமம் என பெருமிதம்.
கடலூர் செம்மங்குப்பத்தில் பள்ளி வேன் மீது ரயில் மோதிய விபத்து தொடர்பாக உண்மை கண்டறியும் குழு ஆய்வு நடத்தி வருகிறது. செம்மங்குப்பத்தில் தனியார் பள்ளி வேன் மீது ரயில் மோதியதில் 3 மாணவர்கள் நேற்று உயிரிழந்தனர். விபத்து தொடர்பாக செம்மங்குப்பம் பகுதி மக்களிடம் உண்மை கண்டறியும் குழு கேட்டறிந்து வருகிறது.
இமாச்சல பிரதேசம்: மாண்டி பகுதியில் மழை வெள்ளத்தின் போது நள்ளிரவில் குரைத்து, 67 பேரின் உயிரை காப்பாற்றியுள்ளது ஒரு வளர்ப்பு நாய். நாய் குரைத்ததால் உரிமையாளர் வெளியே வந்து பார்த்த போது, சுவற்றில் விரிசல் விட ஆரம்பித்துள்ளது. உடனே அக்கம் பக்கத்தினரை எழுப்பி பாதுகாப்பான பகுதிக்கு சென்ற சில நிமிடங்களில் வீடுகள் அனைத்தும் நிலச்சரிவில் சிக்கி தரைமட்டமாகியுள்ளன.
காரைக்குடி மாநகராட்சி மாமன்றத்தில் முன்மொழியப்பட்ட தீர்மானங்களை நிறைவேற்ற தடை என ஐகோர்ட் தெரிவித்துள்ளது. மேயரின் முன் அனுமதி பெற்று பணிகள் மேற்கொண்டதற்கு தீர்மானம் நிறைவேற்ற தடை கோரி வழக்கு தொடரப்பட்டது.
மோசடி வழக்கில் கைதான யூடியூபர் விஷ்ணுவை 3 நாள் போலீஸ் காவலில் விசாரிக்க அனுமதி அளிக்கப்பட்டுள்ளது. ஆன்லைன் டிரேடிங் மூலமாக ரூ.1.62 கோடி மோசடி செய்த வழக்கில் யூடியூபர் விஷ்ணு கைது செய்யப்பட்டார். விஷ்ணுவை 3 நாட்கள் போலீஸ் காவலில் எடுத்து மத்திய குற்றப்பிரிவு போலீஸ் விசாரணை நடத்தி வருகிறது.
மதுரை மாநகராட்சி மண்டல தலைவர்கள், 2 குழு தலைவர்களின் ராஜினாமாவை ஆணையர் ஏற்றார். முதலமைச்சரின் உத்தரவை அடுத்து மதுரை மாநகராட்சி மண்டல தலைவர்கள் ராஜினாமா செய்தனர். ராஜினாமா கடிதத்தை மாநகராட்சி ஆணையர் சித்ரா விஜயனிடம் மண்டல தலைவர்கள் வழங்கினர்.
Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.
@2024-2025 – Designed and Developed by Sortd.Mobi
