மும்பை: மகாராஷ்ரா மாநிலத்தில் 48 மக்களவை தொகுதிகள் உள்ளன. இங்கு இந்தியா கூட்டணியில் காங்கிரஸ், சரத்பவார் தலைமையிலான தேசியவாத காங்கிரஸ், உத்தவ் தாக்கரே தலைமையிலான சிவசேனா மற்றும் அம்பேத்கர் பேரன் நடத்தும் வஞ்சித் பகுஜன் அகாடி கட்சிகள் உள்ளன. இந்த கட்சிளின் தலைவர்களும் இன்று ஒன்றாக ஆலோசனை நடத்தி தொகுதி பங்கீடு குறித்த அறிவிப்பை வெளியிட உள்ளதாக காங்கிரஸ் மாநில தலைவர் நானா பட்டோலி தெரிவித்தார்.
பிரபுல் பட்டேல் திடீர் ராஜினாமா: சரத்பவாரின் தேசியவாத காங்கிரஸ் கட்சி சார்பில் மாநிலங்களவை எம்பியாக தேர்வு செய்யப்பட்ட பிரபுல்பட்டேல் புதியதாக நடந்த மாநிலங்களவை தேர்தலில் போட்டியின்றி எம்பியாக தேர்வு செய்யப்பட்டார். இதையடுத்து 2022ல் தேர்வு செய்யப்பட்ட எம்பி பதவியை பிரபுல்பட்டேல் ராஜினாமா செய்தார்.