Tuesday, March 5, 2024
Home » நெருக்கடியை கையாளும் கலையை மாணவர்கள் அவசரமின்றி படிப்படியாக கற்க வேண்டும்: பிரதமர் மோடி

நெருக்கடியை கையாளும் கலையை மாணவர்கள் அவசரமின்றி படிப்படியாக கற்க வேண்டும்: பிரதமர் மோடி

by Neethimaan

டெல்லி: நெருக்கடியை கையாளும் கலையை மாணவர்கள் அவசரமின்றி படிப்படியாக கற்க வேண்டும் என பிரதமர் நரேந்திர மோடி தெரிவித்துள்ளார். தேர்வுகளை அச்சமின்றி எதிர்கொள்வது தொடர்பாக பள்ளி மாணவர்களுடன் பிரதமர் மோடி டெல்லி பாரத் மண்டபத்தில் 3,000 மாணவர்கள் மத்தியில் கலந்துரையாடல் நடத்தினார். பிரதமரின் உரையை இணையத்தில் கேட்க 2.56 கோடி மாணவர்கள், 14.93 லட்சம் ஆசிரியர்கள், 5.69 லட்சம் பெற்றோர்கள் முன்பதிவு செய்திருந்தனர். மாணவர்கள் மத்தியில் உரையாற்றிய பிரதமர்; எத்தகைய அழுத்தத்தையும் தாங்கும் வகையில் நாம் நம்மை பலப்படுத்திக் கொள்ள வேண்டும்.

மன அழுத்தத்தை நம் மனநிலையுடன் சமாளிப்பது முக்கியம். எந்த விஷயமாக இருந்தாலும் அதை குடும்பத்திலும் பேச வேண்டும். ஒருவரின் திறன்களைப் பாதிக்கும் அளவுக்கு அழுத்தம் இருக்கக்கூடாது. எந்தவொரு செயல்முறையிலும் படிப்படியான வளர்ச்சி இருக்க வேண்டும். குழந்தைகளின் மன அழுத்தத்தை குறைப்பதில் ஆசிரியர்கள் முக்கிய பங்கு வகிக்கின்றனர். எனவே ஆசிரியர்களுக்கும் மாணவர்களுக்கும் இடையே எப்போதும் நல்லுறவு இருக்க வேண்டும். ஒரு ஆசிரியரின் பணி என்பது ஒரு வேலையை மட்டும் செய்வது அல்ல, ஆனால் வாழ்க்கையை மேம்படுத்துவது, வாழ்க்கைக்கு வலிமை கொடுப்பது, இதுவே மாற்றத்தைக் கொண்டுவருகிறது.

சில பெற்றோர்கள் தங்கள் குழந்தைகளின் மதிப்பெண் அட்டையை விசிட்டிங் கார்டாக கருதுகின்றனர். தேர்வு மன அழுத்தத்தை மாணவர்கள் மற்றும் முழு குடும்பம் மற்றும் ஆசிரியர்கள் ஒன்றாகக் கையாள வேண்டும். வாழ்க்கையில் சவாலும் போட்டியும் இல்லாவிட்டால், வாழ்க்கை ஊக்கமற்றதாகவும் உணர்வற்றதாகவும் மாறும். எனவே போட்டி இருக்க வேண்டும், ஆனால் ஆரோக்கியமான போட்டி இருக்க வேண்டும். மாணவர்கள் மற்றவர்களோடு போட்டி போடாமல் தங்களோடு தாங்களே போட்டி போட வேண்டும். ஆசிரியர்கள் தங்கள் மாணவர்களின் பேச்சை நன்றாகக் கேட்டு, அவர்களின் பிரச்சினைகளை மிகுந்த நேர்மையுடன் தீர்க்கும் போது மட்டுமே, மாணவர்கள் உயர்வார்கள்.

ஒரு குழந்தையை மற்றொரு குழந்தையோடு ஒருபோதும் ஒப்பிட கூடாது. ஒரு மொபைல் செயல்பட சார்ஜிங் தேவைப்படுவது போல, உடலை ரீசார்ஜ் செய்து வைத்திருப்பது மிகவும் முக்கியம், ஏனென்றால் உடலை ஆரோக்கியமாக வைத்திருப்பது ஆரோக்கியமான மனதிற்கு மிகவும் முக்கியமானது. இதற்கு சரியான தூக்கமும் மிக அவசியம் இவ்வாறு கூறினார்.

You may also like

Leave a Comment

18 + 5 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi