பெங்களூரு: பெங்களூரு, மைசூரு நகரங்களில் ரவுடியிசத்தில் ஈடுபட்ட சைனெட் ஜாவித் மீது குண்டர் தடுப்பு சட்டத்தின் கீழ் மைசூரு போலீசார் நடவடிக்கை எடுத்துள்ளனர். குண்டர் தடுப்பு சட்டத்தில் கைது செய்யப்பட்ட ஜாவித், கடந்த 2019ல் காட்டன்பேட்டை போலீசார் நடத்திய சோதனையில் சிக்கினார். போலீசார் அவரிடம் சோதனை நடத்திய போது துப்பாக்கி, 8 குண்டுகள் சிக்கியது. இதுதவிர மைசூரு லஸ்கர் போலீஸ் சரகத்தில் பல்வேறு வழக்குகள் அவன் மீது பதிவாகியுள்ளன. இந்நிலையில் கடந்த 23ம் தேதி என்ஆர் போலீசார் சோதனை நடத்தினர். அப்போது நடந்த சோதனையில் ஜாவித் வசம் இருந்து அரிவாள் உள்ளிட்ட ஆயுதங்கள் பறிமுதல் செய்யப்பட்டது. இந்த சம்பவங்களை தொடர்ந்து மைசூரு மாநகர போலீஸ் கமிஷனர் டாக்டர் பி.ரமேஷ், ரவுடி தடுப்பு சட்டத்தின் கீழ் ஜாவித்தை கைது செய்யும்படி உத்தரவு பிறப்பித்தார். இதைத்தொடர்ந்து மாநகர குற்றப்பிரிவு உதவி போலீஸ் கமிஷனர் தலைமையில் மாநகர குற்றப்பிரிவு போலீஸ் இன்ஸ்பெக்டர் ராஜூ மற்றும் போலீசார் ஜாவித்தை கைது செய்து சிறையில் அடைத்தனர்.