Tuesday, April 16, 2024
Home » வருவாய் மற்றும் பேரிடர் மேலாண்மைத்துறை சார்பில் ₹12.27 கோடியில் கட்டப்பட்ட கட்டிடம் திறப்பு

வருவாய் மற்றும் பேரிடர் மேலாண்மைத்துறை சார்பில் ₹12.27 கோடியில் கட்டப்பட்ட கட்டிடம் திறப்பு

by MuthuKumar

சென்னை: வருவாய் மற்றும் பேரிடர் மேலாண்மைத்துறை சார்பில்₹12.27 கோடி செலவில் கட்டப்பட்டுள்ள கட்டிடத்தை தமிழ்நாடு முதல்வர் மு.க.ஸ்டாலின் நேற்று திறந்து வைத்தார்.

இதுகுறித்து தமிழ்நாடு அரசு வெளியிட்ட அறிக்கை:
தமிழ்நாடு முதலமைச்சர் மு.க.ஸ்டாலின் நேற்று தலைமைச் செயலகத்தில், வருவாய் மற்றும் பேரிடர் மேலாண்மைத்துறை சார்பில் ₹ 12 கோடியே 27 லட்சம் செலவில் கட்டப்பட்டுள்ள 2 கோட்டாட்சியர் குடியிருப்புகள், 1 வட்டாட்சியர் அலுவலகக் கட்டடம், 1 வட்டாட்சியர் அலுவலகம் மற்றும் குடியிருப்பு, 4 வட்டாட்சியர் குடியிருப்புகள், 13 குறுவட்ட வருவாய் ஆய்வாளர் அலுவலகம் மற்றும் குடியிருப்புகள், 1 கிராம நிருவாக அலுவலகக் கட்டடம் ஆகிய கட்டடங்களை திறந்து வைத்தார்.

செங்கல்பட்டு மாவட்டம், வண்டலூரில் ₹3 கோடியே 6 லட்சத்து 94 ஆயிரம் செலவில் கட்டப்பட்டுள்ள வட்டாட்சியர் அலுவலகக் கட்டடம், திருவள்ளூர் மாவட்டம்- கும்மிடிப்பூண்டி ஆகிய இடங்களில் ₹1 கோடியே 44லட்சத்து 31 ஆயிரம் செலவில் கட்டப்பட்டுள்ள 4 வட்டாட்சியர் குடியிருப்புகள். செங்கல்பட்டு மாவட்டம் – சித்தாமுர், லத்தூர் மற்றும் பம்மல், திருவள்ளூர் மாவட்டம் – நேமம், வானகரம் மற்றும் வயலாநல்லூர் உள்ளிட்ட இடங்களில் 2 கோடியே 98 லட்சம் ரூபாய் செலவில் கட்டப்பட்டுள்ளன. இதுதவிர ₹ 12 கோடியே 27 லட்சம் ரூபாய் செலவில் கட்டப்பட்டுள்ள வருவாய்த் துறை கட்டிடங்களை முதல்வர் திறந்து வைத்தார்.

இந்நிகழ்ச்சியில், அமைச்சர்கள் கே.கே.எஸ்.எஸ்.ஆர்.ராமச்சந்திரன், தா.மோ. அன்பரசன் மற்றும் அரசு உயர் அதிகாரிகள் கலந்து கொண்டனர்.

You may also like

Leave a Comment

12 − 3 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi