டெல்லி: டெல்லி மதுபான கொள்கை முறைகேடு வழக்கில் மணீஷ் சிசோடியாவுக்கு மீண்டும் ஜாமின் மறுக்கப்பட்டது. டெல்லி முன்னாள் துணை முதலமைச்சர் மணிஷ் சிசோடியா 2023 பிப்.26-ம் தேதி கைது செய்யப்பட்டார். மணீஷ் சிசோடியா ஜாமின் கோரிய மனுவை டெல்லி ரோஸ் அவென்யூ நீதிமன்றம்
தள்ளுபடி செய்தது.
கலால் கொள்கை ஊழல் வழக்கில் குற்றம் சாட்டப்பட்டவரும், டெல்லியின் முன்னாள் துணை முதல்வருமான மணீஷ் சிசோடியாவின் ஜாமீன் மனுவை ரூஸ் அவென்யூ நீதிமன்றம் நிராகரித்துள்ளது. அமலாக்க இயக்குநரகம் மற்றும் சிபிஐ ஆகிய இரு வழக்குகளிலும் சிசோடியாவின் ஜாமீன் மனுவை சிறப்பு நீதிபதி காவேரி பவேஜா நிராகரித்துள்ளார். தற்போது ரோஸ் அவென்யூ நீதிமன்றத்தின் தீர்ப்பை எதிர்த்து சிசோடியா உயர்நீதிமன்றம் செல்லவுள்ளார்.
லோக்சபா தேர்தலுக்கு இடைக்கால ஜாமீன் கோரி, மனிஷ் சிசோடியா நீதிமன்றத்தில் மேல்முறையீடு செய்தார். விசாரணையின் போது, அவரது வழக்கறிஞர் ஜாமீன் மனுவை வாபஸ் பெற்றார். விசாரணையின் போது வழக்கமான ஜாமீன் மனு மீதான தீர்ப்பை நீதிமன்றம் ஒத்திவைத்துள்ளது. இதை கருத்தில் கொண்டு மனுவை வாபஸ் பெற்றார்.
மனீஷ் சிசோடியாவின் ஜாமீன் மனு மீதான கடைசி விசாரணையில், சிபிஐ நீதிமன்றத்தில் எதிர்ப்பு தெரிவித்தது. மணீஷ் சிசோடியாவிற்கு ஜாமீன் வழங்கக்கூடாது, அவருக்கு ஜாமீன் வழங்கப்பட்டால், சாட்சியங்கள் மற்றும் சாட்சிகள் பாதிக்கப்படலாம் என்று சிபிஐ நீதிமன்றத்தில் தெரிவித்திருந்தது.
டெல்லி மதுபானக் கொள்கை வழக்கில் மணீஷ் சிசோடியாவை சிபிஐ கடந்த ஆண்டு பிப்ரவரி 26ஆம் தேதி கைது செய்தது. கைது செய்வதற்கு முன், சிபிஐ அவரிடம் 8 மணி நேரம் விசாரணை நடத்தியது. இதைத் தொடர்ந்து, மார்ச் 9ஆம் தேதி, அமலாக்க இயக்குநரகம் அவரை கைது செய்தது.
இந்த வழக்கில் டெல்லி முதல்வர் அரவிந்த் கெஜ்ரிவாலும் கைது செய்யப்பட்டுள்ளார். திகாரில் இருக்கிறார். இந்த வழக்கில் சிசோடியா, கெஜ்ரிவால் தவிர, ஆம் ஆத்மி கட்சித் தலைவர்கள் பலர் கைது செய்யப்பட்டுள்ளனர். இதுவரை 17 பேர் கைது செய்யப்பட்டுள்ளனர். ராஜ்யசபா உறுப்பினர் சஞ்சய் சிங்கும் கைது செய்யப்பட்டார், இருப்பினும் அவர் உச்ச நீதிமன்றத்தில் ஜாமீன் பெற்றார்.
