ஒன்றிய அரசு கொண்டு வந்த 3 புதிய வேளாண் சட்டங்களை எதிர்த்து 2021 அக்டோபர் 3ம் தேதி உபி மாநிலம் லக்கிம்பூர்கேரியில் விவசாயிகள் போராடிய போது அவர்கள் மீது ஒன்றிய அமைச்சர் அஜய் மிஸ்ரா மகன் ஆஷிஷ் மிஸ்ரா தனது காரை ஏற்றினார். இதில் 4 விவசாயிகள் பலியானார்கள்.
இந்த நிலையில் தற்போது அறிவிக்கப்பட்ட பா.ஜ வேட்பாளர் பட்டியலில் கேரி மக்களவைத் தொகுதியில் மீண்டும் ஒன்றிய அமைச்சர் அஜய் மிஸ்ராவை பா.ஜ நிறுத்தி உள்ளது. இதற்கு சம்யுக்த் கிசான் மோர்ச்சா (எஸ்கேஎம்) அமைப்பு கடும் எதிர்ப்பு தெரிவித்து உள்ளது. இதனால், இந்தியா முழுவதும் உள்ள கிராமங்களில் பாஜவுக்கு எதிராக டார்ச் லைட் ஊர்வலம் நடத்த எஸ்கேஎம் விவசாயிகளுக்கு அழைப்பு விடுத்துள்ளது.