சென்னை: விளையாட்டு மேம்பாட்டு துறை அமைச்சர் உதயநிதி ஸ்டாலின் நேற்று எக்ஸ் தள பதிவில் கூறியிருப்பதாவது:
திமுக இளைஞர் அணி மாநாடு சேலத்தில் வரும் 21ம் தேதி நடைபெறுகிறது. மாநாட்டுக்கான ஏற்பாடுகள் குறித்து இளைஞர் அணியின் மாநில துணைச் செயலாளர்களுடன் ஆலோசனை மேற்கொண்டோம். மாநாட்டிற்கு முதல் நாள் மாலை தொடங்கி மாநாட்டு நாள் வரை நடைபெற வேண்டிய நிகழ்ச்சிகள், முன்னெடுக்க வேண்டிய பணிகள் குறித்து விரிவாகக் கலந்தாலோசித்தோம். மாநில உரிமை மீட்பு முழக்கமாக நடைபெற இருக்கிற திமுக இளைஞரணி மாநாடு, இந்திய அரசியல் வரலாற்றில் இடம்பெற்றிடும் வகையில் அயராது உழைத்திடுவோம் என கூறியுள்ளார்.